ބީއެމްއެލް ކާޑުން މިހާރު ޕެޓްރޯލަށް ފައިސާ ދެއްކޭނެ

ޕެޓްރޯލް އެޅުމަށް ބޭންކް އޮފް މޯލްޑިވްސް (ބީއެމްއެލް)ގެ ކާޑު ބޭނުންކޮށްގެން ފައިސާ ދެއްކޭނެ އިންތިޒާމުތައް ހަމަޖައްސައިފި އެވެ.

ބީއެމްއެލް އިން ބުނީ، ފިއުލް ސަޕްލައި މޯލްޑިވްސް (އެފްއެސްއެމް) ގެ ޕެޓްރޯލް ސްޓޭޝަންތަކުން ވެހިކަލްތަކަށް ތެޔޮ އެޅުމަށްފަހު ބީއެމްއެލްގެ ކާޑުތަކުން ފައިސާ ދެއްކޭނެ ކަމަށެވެ. މިގޮތަށް ހުޅުމާލެ އާއި މާލެއިން ވެސް ހިދުމަތް ލިބޭނެ އެވެ. ބީއެމްއެލްގެ ވިސާ ކާޑާއި އެމެރިކަން އެކްސްޕްރެސް އަދި މާސްޓާ ކާޑުން ވެސް ފައިސާ ދެއްކޭނެ އެވެ. ބީއެމްއެލްގެ ހުރިހާ ޕެޓްރޯލް ސްޓޭޝަންތަކުގައި ބީއެމްއެލް ޕީއޯއެސް ބަހައްޓާފައިވާ ކަމަށެވެ.

ބީއެމްއެލްގެ ކާޑުގެ ހިދުމަތްތައް ޕެޓްރޯލް ސްޓޭޝަންތަކުން ދިން އިރު މީގެ ކުރިން ޓެކްސީތަކުގައި ވެސް ބީއެމްއެލްގެ ކާޑުގެ ހިދުމަތް ބޭނުން ކުރެވޭނެ އިންތިޒާމުތައް ހަމަޖައްސާފައިވެ އެވެ.

ބީއެމްއެލް އިން ބުނީ، މި ހިދުމަތް ދިނުމަށްޓަކައި މަސައްކަތް ކުރަމުން އަންނަތާ ދުވަސްކޮޅެއް ވެއްޖެ ކަމަށާއި މިއާ އެކު ވެސް ކަސްޓަމަރުންނަށް ބޮޑު ލުޔެއް ލިބޭނެ ކަމަށް ގަބޫލު ކުރައްވާ ކަމަށެވެ.