14 މެއި 2020
ރާއްޖޭގައި އުޅޭ ޕާކިސްތާނުގެ 40 އަށްވުރެ ގިނަ މީހުން އިއްޔެ އަނބުރާ ގައުމަށް ގެންގޮސްދީފި އެވެ.
ރާއްޖޭގައި އުޅޭ ޕާކިސްތާނުގެ 40 އަށްވުރެ ގިނަ މީހުން އިއްޔެ އަނބުރާ ގައުމަށް ގެންގޮސްދީފި އެވެ.
ރާއްޖޭގައި ހުންނަ ޕާކިސްތާނު އެމްބަސީން މިއަދު ނެރުނު ބަޔާނެއްގައި ބުނީ ސްރީލަންކަން އެއާލައިންގެ ހާއްސަ ފްލައިޓެއްގައި 43 މީހުން ގެންގޮސްފައިވާ ކަމަށެވެ. އެމީހުން ފުރުއްވުމަށް ހައި ކޮމިޝަނަރު އަތާ މުހުތާރާއި ޑެޕިއުޓީ ހައި ކޮމިޝަނަރު ޒުލްގުރުނައިން ވެލާނާ އެއާޕޯޓަށް ވަޑައިގަތެވެ.
އެމްބަސީން ވަނީ އެ މީހުންނަށް ފޭސް މާސްކާއި ސެނަޓައިޒާ އަދި އަންގި ފޯރުކޮށްދީފަ އެވެ.
މިދިޔަ މަހުގެ 21 ވަނަ ދުވަހު ވެސް ޕާކިސްތާނުގެ ނުވަ މީހަކު ވަނީ ގަތަރު އެއާވޭސްގެ ފްލައިޓަކުން ގެންގޮސްފަ އެވެ.
Alhamdolilah! 43 ??nationals in?? repatriated by ?? Spl flight today.We pay gratitude to ??GoM, Sri Lankan ✈️& GoP?? for all facilitation extended in repatriation. Wishing a blessed travel to all, who r on way to their homeland. @MoFAmv @flysrilankan @YusufMoeed @ForeignOfficePk pic.twitter.com/xsKvEe8DtX
— Pakistan in Maldives (@PakistaninMale) May 13, 2020
އެކި ގައުމުތަކުން އަންނަނީ ކޮވިޑް-19 ގެ ސަބަބުން ރާއްޖޭގައި ތާށިވެފައި ނުވަތަ ހާލުގައި ޖެހިފައި ތިބި މީހުން އެ ގައުމުތަކަށް ގެންދިއުމުގެ މަސައްކަތް ކުރަމުންނެވެ. މިއަދު ވެސް ސްރީ ލަންކާ އާއި ޖަޕާން އަދި ކޮރެއާގެ 301 މީހުން ފުރާފައި ވެ އެވެ.
ބަޔާނުގައި ބުނީ މިިދިޔަ މަހުގެ 26، 27 އަދި 29 ވަނަ ދުވަހު ޕާކިސްތާނުގެ ތިން މީހަކު ކޮވިޑް-19 އަށް ޕޮޒިޓިވްވެފައިވާ ކަމަށް އަންގާފައިވާ ކަމަށާއި އެ މީހުންނަށް އައިސޮލޭޝަން ފެސިލިޓީތަކުގައި މިހާރު ފަރުވާ ދެމުން އަންނަ ކަމަށެވެ. ސްޓޭބަލް ކަމަށާއި ބަލިން ރަނގަޅު ވަމުން އަންނަކަން ފާހަގަކޮށް ބަޔާނުގައި ވަނީ އެމީހުންނަށް ދެމުން އަންނަ ފަރުވާއާ މެދު ޝުކުރު އަދާކޮށްފަ އެވެ.
"ޑޮކްޓަރުންނާއި ޕެރަމެޑިކަލް ސްޓާފުން އަދި އެހެން ހިދުމަތްތެރިން މި ވަގުތު ކުރަމުން އަންނަނީ ތައުރީފް ހައްގު މަސައްކަތެއް. އެ ހިދުމަތްތަކާއި މަސައްކަތްތަކަށް ޝުކުރު އަދާކުރަން،" ބަޔާނުގައި ބުންޏެވެ.
ކޮވިޑް-19 އަށް ރާއްޖެއިން ޕޮޒިޓިވްވި މީހުންގެ އަދަދު ވަނީ 950 އިން މައްޗަށް އަރައިފަ އެވެ. އެ ބަލީގައި މިހާތަނަށް ހަތަރު މީހަކު ވަނީ މަރުވެފަ އެވެ.
ޕާކިސްތާނު ސަފީރަކަށް ނަޖީހާ އައްޔަންކުރަން މަޖިލީހަށް
ނުގުޅޭ ކަމަށް ބުނެ އިންޑިއާ ގުޅޭ ސުވާލަށް ޖަވާބެއްނެތް
މުލީގައި ސެންޓަރެއް އަޅަން ޕާކިސްތާނުން 2.6 މިލިއަން
ތިން ގައުމަކުން ރާއްޖެ އަށް އާ ސަފީރުން
ހަސަން ސައީދު، ޑެޕިއުޓީ އެމްބެސެޑަރަކަށް
އެމްބަސީ އަޅަން ޕާކިސްތާނަށް ވެސް ބިމެއް ދީފި
"ރާއްޖޭގެ ދާޚިލީ ކަންކަމާ ޕާކިސްތާނުން ނުބެހޭނެ"
ފަލަސްތީނުގެ މިނިވަންކަމަށް އަބަދުވެސް ތާއީދު ކުރާނަން
އިބޫގެ ދައުވަތު ޕާކިސްތާނުގެ ބޮޑުވަޒީރު ގަބޫލުކޮށްފި
ޕާކިސްތާނާ އެކު އޮތް ގުޅުން ބަދަހިކުރަން ބޭނުން:ރައީސް