އައްޑޫގައި ކޮވިޑް-19 އަށް ޓެސްޓްކުރަން ފަށައިފި

21 ޖޫން 2020

ކޮވިޑް-19 އަށް އައްޑޫ އިކްއެޓޯރިއަލް ހޮސްޕިޓަލް (އޭއީއެޗް) ގައި މިއަދު ޓެސްޓްކުރަން ފަށައިފި އެވެ.

އަހުމަދު އަދްޝަން

ކޮވިޑް-19 އަށް އައްޑޫ އިކްއެޓޯރިއަލް ހޮސްޕިޓަލް (އޭއީއެޗް) ގައި މިއަދު ޓެސްޓްކުރަން ފަށައިފި އެވެ.

ހޮސްޕިޓަލުން ކުރި ޓްވީޓެއްގައި ބުނީ އައްޑު އަށް ގެނައި ޕީސީއާރް (ބައޯ-ފަޔާ) މެޝިނާ އެކު މިހާރު އެތަނުގެ ލެބޯޓަރީގައި ސާމްޕަލްތައް ޓެސްޓްކުރުމުގެ މަސައްކަތް ފަށާފައި ކަމަށާއި މަސައްކަތް ވެސް ކާމިޔާބުކަމަށެވެ.

Alhamdhlihlaah. We have successfully processed our first Covid-19 sample at AEH laboratory from rapid PCR (bio fire) Machine.#COVID19 #CoronaVirusUpdates #StayHomeStaySafe @AdduCityCouncil @HPA_MV @MoHmv @presidencymv pic.twitter.com/NaY7clEiE6
— Addu Equatorial Hospital (@aeh_mv) June 21, 2020

އައްޑޫގައި ކޮވިޑް-19 އަށް ޓެސްޓްކުރަން ފެށުމަކީ މާލެ ފިޔަވައި ރާއްޖޭގެ އަތޮޅެއްގައި އެ ބައްޔަށް ޓެސްޓްކުރަން ފެށި ފުރަތަމަ ފަހަރެވެ. އައްޑޫގެ އިތުރުން މިހާރު އަންނަނީ ހދ. ކުޅުދުއްފުށީގައި ވެސް ޓެސްޓްކުރުމުގެ އިންތިޒާމުތައް ހަމަޖައްސަމުންނެވެ.

އައްޑޫގައި ޓެސްޓްކުރަން ފެށުމާ އެކު ދުވާލެއްގެ މައްޗަށް 100-150 ދެމެދުގެ އަދަދަކަށް ސާމްޕަލް ޓެސްޓްކުރެވޭނެ އެވެ.

އައްޑޫގެ ކޮމިއުނިޓީ ތެރެއިން މިހާތަނަށް ކޮވިޑް-19 ގެ ޕޮޒިޓިވް އެއްވެސް ކޭހެއް ފެނިފައި ނުވިޔަސް، މާލޭން އައްޑު އަށް އައިސް ކަރަންޓީނުގައި ހުރި ދުވަސްވީ އަންހެނަކު މި މަހުގެ 12 ވަނަ ދުވަހު އެ ބައްޔަށް ޕޮޒިޓިވްވެފައިވެ އެވެ.

Comments