ސަފާރީއެއްގައި އަންހެނަަކަށް ޖިންސީ ގޯނާކުރި ދެ މީހަކު ހައްޔަރުކޮށްފި

ހުޅުމާލޭގެ ފަޅުތެރޭގައި އަޅާފައި އޮތް ސަފާރީއަކަށް ދިޔަ ބިދޭސީ އަންހެނަކަށް ޖިންސީ ގޯނާކުރިކަމުގެ ތުހުމަތަށް ދިވެހި ދެ މީހަކު މިއަދު ހައްޔަރުކޮށްފި އެވެ.

ފުލުހުން ބުނީ އެ މައްސަލަ ފުލުހުންނަށް ލިބުނީ ރޭ ފަތިހު ފަހެއް ޖަހާކަންހާއިރު ކަމަށާއި ދިވެހި ދެ ފިރިހެނުން ހައްޔަރުކުރީ ކުށުގެ ވެށިން ކަމަށެވެ. އެ މައްސަލައިގައި ހައްޔަރުކުރީ އުމުރުން 39 އަހަރުގެ ދެ މީހެކެވެ.

އެ މައްސަލަ ފުލުހުން އަންނަނީ ތަހުގީގު ކުރަމުންނެވެ.

ކޮވިޑް-19 އާ ގުޅިގެން މިދިޔަ މާޗް 27 ން ފެށިގެން ރާއްޖޭގެ ބޯޑަރު ބަންދުކުރި ފަހުން ޓޫރިސްޓުންނެއް ނާދެ އެވެ. އެހެންވެ، ސަފާރީއަށް ދިޔަ އަންހެން މީހާއަކީ ބެލެވޭ ގޮތުގައި ރާއްޖޭގައި މަސައްކަތްކުރާ މީހެކެވެ. އެކަމަކު މައްސަލައިގެ އިތުރު ތަފްސީލު އަދި ނުލިބޭތީ އެކަން ކަށަވަރެއް ނުވެ އެވެ.