30 ޖޫން 2020
ރައްޔިތުންގެ މަޖިލީހުގެ ޖަލްސާތަކުގައި މެންބަރުން ބައިވެރިވެ ވަޑައިގަންނަވާއިރު ކައިރީގައި އެހެން މެންބަރަކު ނެތް ނަމަ މާސްކް ނެގުމުގެ ހުއްދަ މަޖިލީހުގެ ރައީސް މުހައްމަދު ނަޝީދު މިއަދު ދެއްވައިފި އެވެ.
ރައްޔިތުންގެ މަޖިލީހުގެ ޖަލްސާތަކުގައި މެންބަރުން ބައިވެރިވެ ވަޑައިގަންނަވާއިރު ކައިރީގައި އެހެން މެންބަރަކު ނެތް ނަމަ މާސްކް ނެގުމުގެ ހުއްދަ މަޖިލީހުގެ ރައީސް މުހައްމަދު ނަޝީދު މިއަދު ދެއްވައިފި އެވެ.
މަޖިލީހުގެ ޖަލްސާތައް ކުރިއަށް ގެންދަން ހުއްދަ ދިން އިރު، ކޮވިޑް-19 އިން ރައްކާތެރިވުމުގެ ގޮތުން މެންބަރުން މާސްކް އަޅަން އޮތީ އަންގައިފަ އެވެ. ނަމަވެސް މިއަދުގެ ޖަލްސާގައި ބަހުސް ކުރައްވަން ފުރުސަތު ދެއްވަމުން ނަޝީދު ވިދާޅުވީ ފަހުން ލިބުނު އިރުޝާދަށް ބަލާއިރު ގާތުގައި މެމްބަރަކު ނެތް ނަމަ މާސްކް ނާޅުއްވައި މެމްބަރުންނަށް ވާހަކަ ދެއްކެވޭނެ ކަމަށެވެ.
ނަމަވެސް އެއީ ކޮން ތަނަކުން ދިން އިރުޝާދެއް ކަމެއް ނަޝީދު ވިދާޅެއް ނުވެ އެވެ.
Mask alhaigen vaahaka dhekkun membarunnah faseyha kamakah nuvi
The most trusted news source in the Maldives
Mihaaru
މާސްކާއެކު ވާހަކަ ދައްކަން ފަސޭހަ ކަމަކަށް ނުވުން
ނަޝީދު މިހެން ވިދާޅުވުމުން ވެސް ބައެއް މެމްބަރުން ބަހުސް ކުރައްވަމުން ގެންދެވީ މާސްކް އަޅުއްވައިގެންނެވެ. ރިޔާސަތުގައި އެންމެ ވަކިން އިންނަވަނީ ނަޝީދު ކަމަށް ވިޔަސް އެ މަނިކުފާނު ވެސް މާސްކެއް ނުނަންގަވަ އެވެ.
މާސްކް ނާޅުއްވައި އެންމެ ފުރަތަމަ ބަހުސް ކުރެއްވީ ކެޔޮދޫ ދާއިރާގެ އެމްޑީޕީގެ މެމްބަރު ހުސައިން ގާސިމެވެ. އޭގެ ފަހުން އެހެން ބައެއް މެމްބަރުން ވެސް އެގޮތަށް އަމަލުކުރެއްވި އެވެ.
ކޮވިޑް-19 ފެތުރޭތީ ޗެމްބަރުގައި ޖަލްސާތައް ބޭއްވުން މެދުކަނޑާލުމަށް ފަހު މިދިޔަ މަހުގެ 26 ގައި ޖަލްސާތައް ތަޅުމުގައި އަލުން ފެށިއިރު މެމްބަރުން މާސްކް އަޅުއްވައިގެން ތިއްބަވަން ޖެހުމުން ވަރަށް ބޮޑަށް ދަތިވާ ކަމަށް އޭރު ވެސް މެމްބަރުން ފާހަގަ ކުރެއްވި އެވެ. ނަމަވެސް ނަޝީދު އޭރު ވިދާޅުވީ އެޗްޕީއޭ އިން އިރުޝާދު ދީފައިވަނީ ހުރިހާ މެމްބަރުން މާސްކް އަޅުއްވައިގެން ތިއްބަވަން ޖެހޭނެ ކަމަށެވެ.
ފޯރިގަދަކޮށް ބަހުސް ކުރައްވާ މެމްބަރުންނަށް މާސްކް އަޅުއްވައިގެން ވާހަކަ ދެއްކެވުން ފަސޭހަ ކަމަކަށް ނުވެ އެވެ. އެންމެ ބޮޑަށް ދިމާވާ މައްސަލަ އަކީ ވާހަކަ ދައްކަވަމުން ގެންދަވަނިކޮށް މާސްކް ކައްސާލައިގެން ނޭފަތުން ތިރިއަށް ސޮއްސާލުމެވެ.
ކުރިން އެއް މެންބަރު އަނެއް މެންބަރަކާ ކައިރީގައި ތިއްބަވައި ބަހުސްކުރެއްވި ނަމަވެސް މެމްބަރުން މިހާރު ވެސް ތިއްބެވީ ދުރުދުރުގަ އެވެ. މަޖިލީހުގެ ޖަލްސާ ތަޅުމުގައި ބޭއްވުމަށް އެޗްޕީއޭ އިން ހުއްދަ ދިނީ ރައްކާތެރިކަމުގެ ގޮތުން މިފަދަ ފިޔަވަޅުތައް އެޅުމަށް ޝަރުތުކޮށްފަ އެވެ.
ޓެކްސީ ޑްރައިވަރުންގެ ޝަކުވާ ބަލާނަން: ނަޝީދު
ވަސީލަތް ހުންނާނެ، ވިޔަފާރިއަށް ފަހިވާން ޖެހޭ: ނަޝީދު
ނަޝީދު މާލެ ވަޑައިގެން ކަރަންޓީނުގައި
މުވައްޒަފަކު ޕޮޒިޓިވް ވިޔަސް މަޖިލިސް ކުރިއަށް ގެންދާނެ
މާސްކު އަޅައިގެން ވާހަކަދެއްކުން ބޮޑު މައްސަލައަކަށް
ނޫން! ނޫން! މިއީ އެންމެންގެ ލޮކްޑައުންއެއް!
ޖަލްސާ ބޭއްވުމުގެ އުސޫލުތައް އެޗްޕީއޭއިން ކަނޑައަޅައިފި
ގާނޫނާ ޚިލާފުވާން އެމްޑީޕީގެ ބައެއް މެމްބަރުން ދެކޮޅު
މަޖިލިހުގެ ރައީސް ނަޝީދު ލޮކްޑައުންއަށް ގޮންޖައްސަވައިފި
މަޖިލީހުގެ ޗެމްބަރުގައި ޖަލްސާތައް ފަށަން ނިންމައިފި