އާމިރު ތުރުކީގެ ފަސްޓްލޭޑީއާ ބައްދަލުކުރުމުން ފާޑުކިޔަނީ

އާމިރު ޚާން ތުރުކީގެ ފަސްޓްލޭޑީއާ ބައްދަލުކުރުމުން ފާޑުކިޔަނީ

18 އޯގަސްޓް 2020

އާމިރު ޚާންގެ ކުރިއަށް އޮތް ފިލްމު "ލާލް ސިންގް ޗައްޑާ" ގެ މަންޒަރުތަކެއް ތުރުކީގައި ނަގަން ނިންމާފައިވާތީ އެ ގައުމަށް މިހާރު ކުރަމުން އަންނަ ދަތުރުގެ ތެރޭގައި ތުރުކީގެ ރައީސް ރަޖަބް ތައްޔިބް އުރުދުއާންގެ އަނބިކަނބަލުން އެމީން އުރުދުއާން ބައްދަލުކުރުމުން ޓްވިޓާގައި އިންޑިއާގެ ބައެއް ފޭނުން ހިތްހަމަނުޖެހުން ފާޅުކޮށްފި އެވެ.

އަހުމަދު އަދްޝަން

އާމިރާ އެކު ނަގާފައިވާ ފޮޓޯތަކެއް ޓްވިޓާގައި ހިއްސާކުރައްވަމުން އެމީން ވިދާޅުވީ އިސްތަންބޫލްގައި އާމިރާ ބައްދަލުވުމަކީ ވަރަށް ބޮޑު އުފަލެއް ކަމަށާއި "ލާލް ސިންގް ޗައްޑާ" ގެ މަންޒަރުތަކެއް އެ ގައުމުގައި ނާގާތީ ވެސް ވަރަށް އުފާކުރައްވާ ކަމަށެވެ.

ފިލްމުގެ މަންޒަރުތަކެއް ނަގާނެ ލޮކޭޝަން ހޯދުމަށް އާމިރު ތުރުކީ އަށް ދިޔައީ މި މަހުގެ 8 ގަ އެވެ.

I had the great pleasure of meeting @aamir_khan, the world-renowned Indian actor, filmmaker, and director, in Istanbul. I was happy to learn that Aamir decided to wrap up the shooting of his latest movie ‘Laal Singh Chaddha’ in different parts of Turkey. I look forward to it! pic.twitter.com/3rSCMmAOMW
— Emine Erdoğan (@EmineErdogan) August 15, 2020

އޭނާ ފަސްޓްލޭޑީ ބައްދަލުކުރުމާ ގުޅިގެން ހިތްހަމަނުޖެހުން ފާޅުކުރި މީހުން ބުނެފައި ވަނީ ތުރުކީ އަކީ ކަޝްމީރުގެ މައްސަލާގައި ޕާކިސްތާނު ކޮޅުގައި އޮތް ގައުމެއް ކަމަށާއި އެއީ މުސްލިމުންނަށް ވާގިދޭ ބައެއް ކަމަށެވެ. އަދި އާމިރަކީ ވެސް މުސްލިމުންގެ ފަޅީގައި ހުރި މީހެއް ކަމަށާއި އަމިއްލަ އުފަން ގައުމަށް ވުރެ ބޮޑަށް އާމިރު ފަދަ ތަރިންނަކީ ތުރުކީ ފަދަ ގައުމުތަކުގެ މަސްލަހަތަށް ބުރަވާ ފަންނާނުން ކަމަށް ބުނެފައިވެ އެވެ.

Turkish President is backing Pakistan’s stand on Kashmir and Indian superstar Aamir is meeting his wife. Celebrities from smaller countries are more loyal to their motherland than bollywood people ever would be https://t.co/bhbRQoMJeZ
— Monica (@TrulyMonica) August 16, 2020

ބައެއް މީހުން ވަނީ އާމިރަކީ އިންޑިއާގެ ހިންދޫންނާ ދެކޮޅު މީހެއްކަން ތަހުގީގެއް ހިންގައިފި ނަމަ ސާބިތުވާނެ ކަމަށް ބުނެ އެކަން ކުރަން ޖެހިފައިވާ ކަމަށް ވެސް ބުނެފަ އެވެ.

Aamir Khan met Turkish President's wife though Turkish President spoken against India many times. No problem.

But I fail to understand why didn't any of the three Khans attend the 'Shalom Bollywood' event when Israeli PM visited India?
— Anshul Saxena (@AskAnshul) August 16, 2020

ރިޕޯޓްތައް ބުނާގޮތުން ލޮކޭޝަން ހޯދުމުގެ މަސައްކަތް ނިންމައިލުމަށް ފަހު، އާމިރު "ލާލް ސިންގް ޗައްޑާ" ގެ ޝޫޓިން ވަރަށް އަވަހަށް ތުރުކީގައި ފަށާނެ އެވެ. ފިލްމުގެ ބަތަލާ ކަރީނާ ކަޕޫރް މިހާރު ދެވަނަ ދަރިއަކަށް ބަލިވެއިނުމާ ގުޅިގެން އޭނާ ވެސް ވަނީ ފިލްމުގެ މަސައްކަތް ވީހާ ވެސް އަވަހަކަށް ނިމޭނެ ގޮތަކަށް ކަންކަން ރާވައިދޭން އެދިފަ އެވެ.

އަދުވައިތު ޗަންދަން ޑައިރެކްޓްކުރާ "ލާލް ސިންގް ޗައްޑާ" އަކީ އަންނަ އަހަރުގެ ޑިސެމްބަރު މަހުގެ ފަހުކޮޅު ރިލީޒްކުރަން ނިންމާފައިވާ ފިލްމެކެވެ.

Comments