އިތުރު ދެ ދުވަސް ބަންދުކޮށް 12 ދުވަހުގެ ޗުއްޓީއެއް

އިތުރު ދެ ދުވަސް ބަންދުކޮށް އަންނަ އަހަރުގެ ޖުލައި މަހު ބޮޑު ޗުއްޓީއެއް

27 ޑިސެމްބަރ 2020

އަންނަ އަހަރުގެ ރަސްމީ ބަންދު ދުވަސްތަކުގެ ތެރޭގައި އިތުރު ދެ ދުވަސް ހިމަނުއްވައި ޖުލައި މަހުގެ ތެރޭގައި 12 ދުވަހުގެ ބަންދެއް ލިބޭ ގޮތަށް ރައީސް އިބްރާހިމް މުހައްމަދު ސޯލިހް މިއަދު ހަމަޖައްސަވައިފި އެވެ.

ލަމްޔާ އަބްދުﷲ

ރައީސްގެ ތަރުޖަމާން އިބްރާހިމް ހޫދު ކުރެއްވި ޓުވީޓެއްގައި ވިދާޅުވީ ރަސްމީ ބަންދަށް ރައީސް އިތުރުކުރެއްވީ ޖުލައި 18 ވަނަ ދުވަހާއި 25 ވަނަ ދުވަސް ކަމަށެވެ. އަޟުހާ އީދާއި މިނިވަން ދުވަހުގެ ބަންދަށް ލިބޭ ދުވަސްތަކުގެ ތެރެއަށް ވަންނަ އެ ދެ ދުވަހަކީ ވެސް ހަފުތާ ފެށޭ އާދީއްތަ ދުވަހެވެ.

President @ibusolih has today designated the following additional days to be added to the list of government holidays in the Maldives for the year 2021.

18 July 2021 (Sunday) and 25 July 2021 (Sunday).
— Ibrahim Hood (@MvSpokesperson) December 27, 2020

ރައީސްގެ ތަރުޖަމާނު އިބްރާހިމް ހޫދު މިއަދު ކުރެއްވި ޓްވީޓެއް

ޖުލައި 18 ބަންދުކުރީ ޖެހިގެން އަންނަ 19 ވަނަ ދުވަހަކީ ހައްޖު ދުވަހަށް ވާތީ އެވެ. މި ދުވަސްތަކުގެ ތެރޭގައި ޖުލައި 25 ހިމެނުމުން ޖުމްލަ 12 ދުވަހުގެ ބަންދެއް ލިބެ އެވެ. ޖުލައި 26 އަކީ މިނިވަން ދުވަހެވެ.

މިދިޔަ އަހަރުގެ ރަސްމީ ބަންދު ދުވަސްތަކުގެ ތެރޭގައި އިތުރު ދުވަސްތަކެއް ރައީސް ހިމެނުއްވި އެވެ. ކަލަންޑަރަށް ގެންނަ ބަދަލުތައް ދުރާލައި އިއުލާންކުރަނީ އާއްމުންނަށް ފަސޭހައަކަށް ކަމަށް ރައީސްގެ ތަރުޖަމާން ކުރިން އޮތީ ވިދާޅުވެފަ އެވެ.

Comments