އެޓޯލްސް ވޯލްޑް އިން އާ އަހަރަށް އިތުރު ޕެކޭޖުތައް ތައާރަފްކޮށްފި

އާ އަހަރާ ދިމާކޮށް އެޓޯލްސް ވޯލްޑް އިން ހާއްސަ ރޭޓްތަކެއްގައި އދ. ފިޔަވަޅު ރިސޯޓުން ކޮޓަރިތައް ދޫކުރަން ފަށައިފި އެވެ.

އެޓޯލްސް ވޯލްޑް އަކީ ދިވެހިންނަށް ހަނީމޫނާއި އާއިލާ އާ އެކު ކުރާ ދަތުރުތަކާއި ވިޔަފާރި ހަރަކާތްތަކަށް ދަތުރުތައް ދިއުމުގައި ފުރިހަމަ ހައްލެއް ހޯދައިދޭ ޓްރެވަލް އޭޖެންސީ އެކެވެ. އެގޮތުން އެ އޭޖެންސީން ވަނީ އާ އަހަރާ ދިމާކޮށް ފިޔަވަޅު ރިސޯޓުން ވަރަށް ހާއްސަ ރޭޓްތަކެއް ކަނޑައަޅައިފަ އެވެ.

މި ހާއްސަ ރޭޓުތަކުގެ ދަށުން މާދަމާއިން ފެށިގެން އެ ރިސޯޓުން ރޫމް ލިބޭނެ އެވެ. ދިވެހިންނާއި ރާއްޖޭގައި މަސައްކަތް ކުރާ ބިދޭސީންނަށް ހާއްސަކޮށް އެޓޯލްސް ވޯލްޑުން ކުރިއަށްގެންދާ ފްލޭޝް ސޭލްގައި އެ ރިސޯޓުގެ ގާޑަން ވިލާއެއް 120 ޑޮލަރަށް ލިބޭނެ އެވެ. އެ ރިސޯޓަށް ސީޕްލޭންގައި ދިއުމަށާއި ލޯންޗުގައި ދިއުމަށް ވެސް ހާއްސަ ރޭޓުތަކެއް ވަނީ ހަމަޖައްސައިފަ އެވެ.

މިކަމާ ގުޅޭ އިތުރު މައުލޫމާތު 9988904 ނުވަތަ 7799413 އިން ލިބޭނެ އެވެ. މި ނަންބަރުތަކަށް ވައިބާ ނުވަތަ ވަޓްސްއެޕް މެދުވެރިކޮށް މެސެޖު ކުރުމުން ވެސް ޖަވާބުދޭނެ އެވެ.

ފިޔަވަޅު ރިސޯޓު ހުޅުވީ މިިދިޔަ މަހު އެވެ. ދިވެހި ވަންތަ ޑިޒައިންތައް ފެންނަ މި ރިސޯޓު ހުޅުވައިދެއްވީ ޓޫރިޒަމް މިނިސްޓަރު ޑރ. އަބްދުﷲ މައުސޫމް އެވެ. މި ރިސޯޓުގައި ތަފާތު ކެޓަގަރީތަކުގެ 44 ވިލާ ހުރެ އެވެ. އެގޮތުން ގާޑަން ވިލާ އާއި ބީޗް ވިލާ އަދި ޕޫލްތައް ހިމެނޭ ވިލާ ވެސް ހުރެ އެވެ.