ދޯންޏެއް އުރި، ކަނޑުވި ބަޔަކު ސަލާމަތްކޮށްފި

ރ. އަތޮޅުގެ ގިިރިއަަކަށް އުރުނު ދޯންޏެއް ދިޔަވެ އަޑިއަށް ދިއުމުން ކަނޑުވެފައި ތިބި ތިން މީހަކަށް ފުލުހުން އެހީވެ، ސަލާމަތްކޮށްފި އެވެ.

ފުލުހުން ބުނީ މުދާ އަރުވައިގެން ރ. މީދުއަށް ދަތުރުކުރި އެ ދޯނި އުރިފައި އޮތީ އެ އަތޮޅު ފިލާދޫ ކައިރީގައި އޮންނަ ގިރިއަކަށް ކަމަށެވެ. އެތަނަށް ފުލުހުން ދިޔައިރު ދޯނީގެ ބޮޑުބައެއް އަޑިއަށް ގޮސް، ތިން މީހުން ތިބީ ކަނޑުވެފައި ކަމަށް ފުލުހުން ބުންޏެވެ. އެ ތިން މީހުން ސަލާމަތްކޮށްފައިވާ ކަމަށާއި ތިން މީހުންގެ ހާލު ރަނގަޅު ކަމަށް ފުލުހުން ބުންޏެވެ.

ކަނޑުމަތީގެ މިފަދަ ހާދިސާއެއް ހިނގި އިރު ރ. އަތޮޅުގެ މޫސުން މިއަދު އާއްމުގޮތެއްގައި ރަނގަޅެވެ. އުޑުމަތި ބަނަކޮށް އޮތް ނަމަވެސް ކަނޑު ވަރަށް މަޑެވެ.