މާފުށީގައި ކާރެއް މޫދަށް ވެއްޓި، ދެ މީހަކަށް އަނިޔާވެއްޖެ

ކ. މާފުށީގައި ދުއްވާފައި ދިޔަ ކާރެއް ކޮންޓްރޯލް ނުވެ މޫދަށް ވެއްޓި، ދެ މީހަކަށް އަނިޔާވެއްޖެ އެވެ.

ފުލުހުން ބުނީ ރޭ މާފުށީގައި ތިން މީހަކު ދަތުރުކުރި ކާރެއް މޫދަށް ވެއްޓުމުން އޭގެ ތެރެއިިން އަނިޔާވި ދެ މީހަކަށް އެރަށު ސިއްހީ މަރުކަޒުން ފަރުވާ ދީފައިވާ ކަމަށެވެ. އަދި ކާރު މޫދަށް ވެއްޓުމުގެ ތެރޭގައި، ބަނދަރުގައި އަޅާފައި އޮތް ލޯންޗެއްގައި ޖެހި، އެ ލޯންޗަށް ގެއްލުންވި ކަމަށް ވެސް ފުލުހުން ބުންޏެވެ.

ފުލުހުން ބުނީ އެ ކާރު ދުއްވާފައި ވަނީ ކާރު ދުއްވުމުގެ ލައިސަންސް ނޯންނަ މީހެއް ކަމަށެވެ. އެ މައްސަލަ މިހާރު ތަހުގީގު ކުރަމުންދާ ކަމަށް ފުލުހުން ބުންޏެވެ.