ކުއްޖެއްގެ ގަޔަށް ބިތްގަނޑެއް ވެއްޓި ސީރިއަސް ޒަހަމްތަކެއް

ރިސޯޓެއްގެ ގޮތުގައި ތަރައްގީކުރަމުން އަންނަ ގދ. ލޮނަދޫހުއްޓާގައި ކުއްޖެއްގެ ގަޔަށް މިއަދު ބިތްގަނޑެއް ވެއްޓި ސީރިއަސް ޒަހަމްތަކެއް ލިބިއްޖެ އެވެ.

ފުލުހުންގެ މީޑިއާ އޮފިޝަލަކު ވިދާޅުވީ 17 އަހަރުގެ ފިރިހެން ކުއްޖެއްގެ ގަޔަށް ބިތްގަނޑެއް ވެއްޓި އަނިޔާވެފައިވާކަމުގެ މައުލޫމާތު ހެނދުނު 8:30 ގައި ރިޕޯޓުކޮށްފައިވާ ކަމަށެވެ. އެ މައުލޫމާތު ލިބުމާއެކު ފުލުހުން އެ ސަރަހައްދަށް ގޮސް އެ ކުއްޖާގެ އުފަން ރަށް، ގައްދޫގެ ހެލްތު ސެންޓަރަށް ގެންގޮސްފައި ވެ އެވެ.

އެ ރަށަކީ ގައްދޫއާ ކައިރީގައި އޮންނަ ރަށެކެވެ.

ކުއްޖާގެ ހާލު ސީރިއަސްވުމުން އިތުރު ފަރުވާއަށް މިހާރު ވަނީ އެ އަތޮޅު ގދ. ތިނަދޫ ރީޖަނަލް ހޮސްޕިޓަލަށް ފޮނުވާލައިފަ އެވެ. އެ ތަނުގެ އައިސީޔޫގައި އަންނަނީ އެ ކުއްޖާއަށް ފަރުވާ ދެމުންނެވެ. ނަމަވެސް ލިބުނު ޒަހަމްތަކުގެ ތަފްސީލެއް އަދި ނުލިބެ އެވެ.

"މި ހާދިސާއާ ގުޅިގެން ބަލަންޖެހޭ ކަންކަން ފުލުހުން ދަނީ ބަލަމުން،" އޮފިޝަލް ވިދާޅުވި އެވެ.