12 ފެބުރުއަރީ 2021
ރާއްޖޭގެ އެންމެ މަޝްހޫރު ޑައިވިން ސްޕޮޓް ކަމަށްވާ "ވިކްޓްރީ ޝިޕްރެކް" ސަރަހައްދު ހިމާޔަތް ކުރަން ނިންމައިފި އެވެ.
ރާއްޖޭގެ އެންމެ މަޝްހޫރު ޑައިވިން ސްޕޮޓް ކަމަށްވާ "ވިކްޓްރީ ޝިޕްރެކް" ސަރަހައްދު ހިމާޔަތް ކުރަން ނިންމައިފި އެވެ.
ވިކްޓްރީ ޝިޕްރެކަަކީ 1981 ވަނަ އަހަރު މޯލްޑިވްސް ވިކްޓްރީ ނަމަކަށް ކިޔާ ބޯޓު އަޑިއަށް ދިޔަ ސަރަހައްދެވެ. އެ ބޯޓު އަޑިއަށް ދިޔައީ މުދާ ހިފައިގެން ގާދޫކޮލުން ވަދެގެން އަންނަނިކޮށް ހުޅުލޭ ފަރަށް އަރައިގެންނެވެ. ފުން ކުރަން އުޅުމުގެ ތެރޭގައި މުދަލާ އެކު އަޑިއަށް ދިޔަ އެ ބޯޓު އޮތް ސަރަހައްދު ފަހުން ވެފައިވަނީ ރާއްޖެ އާއި ދުނިޔޭގެ ވެސް ޑައިވިންއަށް މަޝްހޫރު ސަރަހައްދަކަށެވެ.
ރައީސް އޮފީހުން ބުނީ އެ ސަރަހައްދު ހިމާޔަތް ކުރަން މިދިޔަ އަންގާރަ ދުވަހު ރައީސް އިބްރާހިމް މުހައްމަދު ސޯލިހް ނިންމެވީ ވަޒީރުންގެ މަޖިލީހުގެ ޖަލްސާގައި މަޝްވަރާ ކުރުމަށް ފަހު ކަމަށެވެ. އެއީ އެ ސަރަހައްދަކީ މިހާރު އާޓިފިޝަލް ފަރެއް ހެދިފައިވާ އަދިި މުރަކަ އާއި މަސްމަހާމެހިން މުއްސަނދިވެފައިވާ ސަރަހައްދަކަށް ވާތީ ކަމަށް ރައީސް އޮފީހުން ބުންޏެވެ.
ވިކްޓްރީ ޝިޕްރެކް ސަރަހައްދުގެ އިތުރުން ކ. ކާށިދޫ ޗަސްބިން ސަރަހައްދު ވެސް ހިމާޔަތް ކުރަން އެ ބައްދަލުވުމުގައި ނިންމަވާފައިވާ ކަމަށް ރައީސް އޮފީހުން ބުންޏެވެ. އެ ސަރަހައްދަކީ 2003 އިން ފެށިގެން ރާއްޖޭގައި ހިމާޔަތް ކޮށްފައިވާ ކަންޒުކަހަނބު ދިރިއުޅޭ ސަރަހައްދެކެވެ. ކާށިދުއަކީ ރާއްޖޭގައި ކަންޒުކަހަނބު އެންމެ ގިނައިން އުޅޭ ރަށެވެ.
ތިމާވެށި ރައްކާތެރިކުރުމުގެ ގާނޫނުގެ ދަށުން މީގެކުރިން ވެެސް ބައެއް ސަރަހައްދުތައް ހިމާޔަތް ކޮށްފައިވާ ތަންތަނުގެ ގޮތުގައި އޮތީ ކަނޑައަޅައިފަ އެވެ. އެއީ މާލެ އަތޮޅުން 13 ސަރަހައްދަކާއި ހދ. އަތޮޅުން 14 ސަރަހައްދަކާއި އައްޑޫ ސިޓީގެ ހަތަރު ސަރަހައްދަކާއި ފުވައްމުލަކުން އެއް ސަރަހައްދެވެ.
އީޕީއޭއަށް އޮތީ މުޅިން ވެސް ހަނގުރާމަ" ކުރުން!
ގުދުރަތީ މުއްސަނދި 12 ސަރަހައްދެއް ހިމާޔަތްކޮށްފި
ބޮޑުތިލަދުންމަތީގެ 11 ސަރަހައްދެއް ހިމާޔަތްކޮށްފި
ބައްދަލުވުންތަކުގެ މަގުސަދު ހާސިލްވޭ: ތޯރިގް
ޕްލާސްޓިކް ކުދި ފެންފުޅި މަނާކުރުން އަލުން ފަސްކޮށްފި
މިޔަރު ބޭނުމުން ލިބޭނެ ގެއްލުން މާ ބޮޑު: ޖަމިއްޔާތައް
ކުޅުދުއްފުށީ ފަރުގައި ބާޖު އޮންނަތާ 6 މަސް!
މާކިއުރީ ހިމެނޭ އާލާތްތައް ބޭނުންކުރުން ހުއްޓާލަނީ
ރައީސް، ކޮޕް ސަމިޓަށް ދުބާއީ އަށް ވަޑައިގަންނަވަނީ
ފެހުރިހި ހިމާޔަތްކުރުން ތިމާވެށީގެ ގާނޫނުގެ ދަށަށް