ފުލުހަކު ބަނގުރާ ފުޅިއަކާ އެކު ހައްޔަރުކޮށްފި

މާލޭގައި ފުލުހުން ހިންގި އޮޕަރޭޝަނެއްގައި ބަނގުރަލާ އެކު ފުލުހަކު ހައްޔަރުކޮށްފި އެވެ.

ފުލުހުންގެ ޑްރަގް އެންފޯސްމަންޓް ޑިޕާޓްމަންޓުން މިރޭ ހިންގި އޮޕަރޭޝަނެއްގައި މީހަކު ހައްޔަރުކޮށްފައި ވަނީ އަމީނީ މަގު އެވިޑް ކޮލެޖު ކައިރިންނެވެ.

ފުލުހުން ބުނީ އޭނާ ހައްޔަރު ކުރީ ބަނގުރާފުޅިއަކާ އެކުގައި ކަމަށެވެ. އަދި ހައްޔަރުކުރި މީހާ އަކީ ފުލުހެއްކަން ފުލުސް އޮފީހުން ވަނީ ކަށަވަރުކޮށްދީފަ އެވެ.

ފުލުހުން ބުނީ އެ މައްސަލަ ތަހުގީގު ކުރަމުން އަންނަ ކަމަށެވެ. އިތުރު ތަފްސީލެއް ހާމައެއް ނުކުރެ އެވެ.