ގްރީން ޒޯނުގައި ހުންނަ އެސްޑީއެފްސީގެ އޮފީސް ފަޅާލައިފި

ކުދި އަދި މެދުފަންތީގެ ވިޔަފާރިތަކަށް ލޯނު ދޫކުރާ ބޭންކް އެސްޑީއެފްސީގެ އޮފީސް ފަޅާލައިފި އެވެ.

ސުޕްރީމް ކޯޓާއި ޖަސްޓިސް ބިލްޑިންގާ ދެމެދު ހުންނަ މ. ކަނީރުވިލާގެ ދެވަނަ ބުރީގައި ހުންނަ އެސްޑީއެފްސީގެ އޮފީސް ފަޅާލައި ވައްކަން ކުރި މައްސަލަ ފުލުހުންނަށް ރިޕޯޓު ކޮށްފައި ވަނީ މިއަދު ހެނދުނު ނުވައެއް ޖަހާކަންހާއިރު ކަމަށް ފުލުހުން ބުނެ އެވެ.

އެ މައްސަލަ ތަހުގީގު ކުރަން އެ އިމާރާތުގައި ފުލުހުން މިހާރު އަންނަނީ ހަރަކާތްތެރިވަމުންނެވެ.

ގްރީން ޒޯނުގައި ހުންނަ އެ އޮފީސް ފަޅާލިއިރު، އެއީ ސެކިއުރިޓީ ކެމެރާ ހަރުކޮށް، ސަލާމަތީ ކަންކަން ރަނގަޅަށް ބަލަހައްޓަމުން އަންނަ އިމާރާތެއް ވެސް މެ އެވެ. އަދި ސުޕްރީމް ކޯޓާއި ޖަސްޓިސް ބިލްޑިންގްގައި ހުންނަ ކެމެރާތަކުން ވެސް އެ ސަރަހައްދު ރަނގަޅަށް މޮނީޓަ ކުރެވޭނެ އެވެ.

އެސްޑީއެފްސީގެ އޮފީހުން ގެއްލުނީ ކޮން އެއްޗެއް ކަމެއް އަދި ސާފެއް ނުވެ އެވެ. މި މައްސަލައާ ގުޅިގެން އެ އޮފީހުގެ ބައެއް އަދި ނުލިބެ އެވެ.