މާލޭގެ ހެދިގޮނޑުދޮށާއި ރަސްފަންނު ސަރަހައްދު، މޫސުމަށް އަންނަ ބަދަލުތަކާއެކު، ވަރަށް ބޮޑަށް ގިރަމުންދާތީ، އެ ދެ ތަން ހިމާޔަތްކުރަން މާލޭ ސިޓީ ކައުންސިލުން ވެލި އަޅަން ފަށައިފި އެވެ.
27 ޖުލައި 2021
މާލޭގެ ހެދިގޮނޑުދޮށާއި ރަސްފަންނު ސަރަހައްދު، މޫސުމަށް އަންނަ ބަދަލުތަކާއެކު، ވަރަށް ބޮޑަށް ގިރަމުންދާތީ، އެ ދެ ތަން ހިމާޔަތްކުރަން މާލޭ ސިޓީ ކައުންސިލުން ވެލި އަޅަން ފަށައިފި އެވެ.
ކައުންސިލުން މިއަދު ބުނީ، ހެންވޭރު އާޓިފިޝަލް ބީޗާއި މާފަންނު ރަސްފަންނު ސަރަހައްދަށް ވެލި އެޅުމުގެ މަސައްކަތް ފެށީ، މޫސުމީ ބަދަލާއެކު، އެ ދެ ސަރަހައްދު ވަރަށް ބޮޑަށް ގިރާފައިވާކަން ފާހަގަ ކުރެވިފައި ވާތީ ކަމަށެވެ. މިއީ ކޮންމެ އަހަރަކު ވަކި ދުވަސްވަރެއްގައި ކުރުމަތިވާ ކަމަކަށް ވިޔަސް، މި ފަހަރު ވަރަށް ބޮޑަށް ގިރާފައިވާ ކަމަށް ސިޓީ ކައުންސިލުން ބުންޏެވެ.
ކައުންސިލްގެ ފަރާތުން ވަނީ އުސްފަސްގަނޑު ސަރަހައްދަށް ވެސް ވެލި އެޅުމުގެ މަސައްކަތް ފަށައިފަ އެވެ. އެ ސަރަހަށްދަށް ވެލި އަޅަނީ އެ ތަނުގައި ހެދިފައިވާ އަޑިގުޑަންތައް ފިލުވުމަށެވެ.
އުސްފަސްގަނޑު ސަރަހައްދަކީ ގިނަ ބަޔަކު ކަސްރަތު ކުރުމަށާއި ގުޑިއެރުވުން ފަދަ މުނިފޫހިފިލުވުމުގެ ކަންކަމަށް ބޭނުންކުރާ ތަނަކަށް ވާތީ އަޑިގުޑަންތަކުން ލިބޭ އުނދަގޫތަކަށް ހައްލެއް ހޯދުމަކީ ވެލިއެޅުމުގެ ބޭނުމެއް ކަމަށް ސިޓީ ކައުންސިލުން ބުންޏެވެ.
މި ތިން ސަރަހައްދަށް ގާތްގަނޑަކަށް 400 ޓަނުގެ ވެލި އަޅަން ޖެހޭ ކަމަށް ލަފާ ކުރެވޭއިރު އެ މަސައްކަތަށް ހަތަރު ވަރަކަށް ދުވަސް ހޭދަވާނެ އެވެ.
ރަސްފަންނުގެ މޫދަށް އެރޭ ސަރަހައްދު ބަންދުކޮށްފި
"މަރާމާތުގެ މަސައްކަތް ފަށަން ދަނީ ތައްޔާރުވަމުން"
ރަސްފަންނުގެ ހާލަތު ފެނިފައި ހިތާމަކުރަން: ރައީސް
"ރަސްފަންނު ބަލަހައްޓަން އެމްޓީސީސީއާ އޮތީ ހަވާލުކޮށްފައި"
ޓަކް ޝޮޕެއް ހިންގަން އާޓިފިޝަލް ބީޗުން ބިން ދީފި
ޔޯގާ ހަރަކާތަށް ރަސްފަންނު ދޫނުކުރަން ނިންމައިފި
ރަސްފަންނު ސާފުކޮށެއް ނުނިމޭ، ބައިވަރު ކުނި އެބަހުރި
ކުނިތަކުން ފުރިފައި އޮތް ރަސްފަންނު ސާފުކޮށްފި
ނައިޓް މާކެޓާ އެކު ރަސްފަންނު މިއޮތީ ގޮނޑަކަށް ވެފައި
ވީރާނާކުރުމުން ގެއްލުންވަނީ ރައްޔިތުންނަށް: މުއިއްޒު