ތިިލަފުށީގެ ދުމުގެ އަސަރު މި ދުވަސްވަރު ބޮޑުވެދާނެތީ ސަމާލުވާން އެދިއްޖެ

ކ. ތިލަފުށީގައި ކުނި އެންދުމުގެ މަސައްކަތް ހުއްޓާލައި، ކުނި މެނޭޖް ކުރާނެ ރަނގަޅު ނިޒާމެއް ގާއިމު ކުރުމުގެ މަސައްކަތް ފަށާފައިވާވާއިރު، މި ދުވަސްވަރު އެ ރަށުން ގިނައިން ދުން އަރައިފާނެތީ އެކަމަށް ސަމާލުވާން ސަރުކާރުން އެދިއްޖެ އެވެ.

ސިނާއީ ރަށް ތިލަފުށީގައި ކުނި އެންދުމާއި އެ ތަނުން އަރާ ދުމުގެ ސަބަބުން މާލެ އާއި މާލެ ކައިރީގެ ރަށްރަށަށް އޭގެ އަސަރު ދޭތެރެދޭތެރެއިން ކުރެ އެވެ. އެހެންވެ، ތިލަފުށީގައި ކުނި މެނޭޖް ކުރާނެ ނިޒާމެއް ގާއިމް ކުރުމަށާއި ދުން އެރުން ހުއްޓުވުމުގެ މަސައްކަތް ސަރުކާރުން މިހާރު އަންނަނީ ކުރަމުންނެވެ.

އެންވަޔަރްމެންޓް މިނިސްޓަރު އައިމިނަތު ޝައުނާ މިއަދު ކުރެއްވި ޓްވީޓެއްގައި ވަނީ ތިލަފުށީގައި ކުނި އަންދާ ސަރަހައްދުން އަލިފާން ނިއްވުމުގެ މަސައްކަތް ކުރަން ފެށުމުން ދުމުގެ އަސަރު ކުރިއަށް ވުރެ ބޮޑަށް ކޮށްފާނެ ކަމަށެވެ.

ތިލަފުށީގައި ހާމައަށް ކުނި އެންދުން ހުއްޓާލުމުގެ މަސައްކަތް ސަރުކާރުން ފެށީ ވޭސްޓް މެނޭޖްމަންޓް ކޯޕަރޭޝަން ލިމިޓެޑް (ވެމްކޯ) އާ ގުޅިގެންނެވެ. އެ މަސައްކަތް އަންނަ އޮކްޓޫބަރު މަހުގެ ނިޔަލަށް ނިންމައިލެވޭނެ ކަމަށް އެންވަޔަރްމެންޓް މިނިސްޓްރީން ބުނެ އެވެ. އޭރުން ކުނި އަންދާއިރު ދުން

މީގެ އިތުރުން އެތަނުގައި ކުނި މެނޭޖް ކުރާނެ ނިޒާމެއް ގާއިމް ކުރުމުގެ މަސައްކަތް އޭޝިއަން ޑިވެލޮޕްމަންޓް ބޭންކް (އޭޑީބީ) އެހީގައި ވެސް ދަނީ ކުރަމުންނެވެ.