07 ސެޕްޓެމްބަރ 2021
ކުރީގެ އެސިސްޓެންޓް ކޮމިޝަނަރު އޮފް ޕޮލިސް ޑރ. އަބްދުﷲ ފައިރޫޝް ޝަރަފުވެރިކަމާ އެކު ފުލުހުންގެ ހިދުމަތުން ރިޓަޔާ ކުރެއްވުމުގެ ފުރުސަތު ދެއްވާފައި ވާތީ، އެމްޑީޕީގެ ޗެއާޕާސަން ހަސަން ލަތީފު ހޯމް މިނިސްޓަރު އިމްރާން އަބްދުﷲ އަށް މިއަދު ވަރަށް ބޮޑަށް ފާޑުވިދާޅުވެއްޖެ އެވެ.
ކުރީގެ އެސިސްޓެންޓް ކޮމިޝަނަރު އޮފް ޕޮލިސް ޑރ. އަބްދުﷲ ފައިރޫޝް ޝަރަފުވެރިކަމާ އެކު ފުލުހުންގެ ހިދުމަތުން ރިޓަޔާ ކުރެއްވުމުގެ ފުރުސަތު ދެއްވާފައި ވާތީ، އެމްޑީޕީގެ ޗެއާޕާސަން ހަސަން ލަތީފު ހޯމް މިނިސްޓަރު އިމްރާން އަބްދުﷲ އަށް މިއަދު ވަރަށް ބޮޑަށް ފާޑުވިދާޅުވެއްޖެ އެވެ.
ފައިރޫޝް ޝަރަފުވެރިކަމާ އެކު ރިޓަޔާ ކުރެއްވުުމުގެ ފުރުސަތު ދިން ގޮތް ދިރާސާކޮށް ނިންމި ގޮތުގެ ރިޕޯޓުގެ ބަހުސްގައި ހަސަން ވިދާޅުވީ، ގާނޫނެއް ފާސްކުރުމަށް ފަހު އެ ގާނޫނަށް އަދި އަމަލުކުރަން ނުފެށެނީސް ހޯމް މިނިސްޓަރުގެ ނިންމުންތައް ނިންމަވާއިރު އެ ގާނޫނުގެ މަފްހޫމަށް ރިއާޔަތް ކުރައްވަން ޖެހިވަޑައިގަންނަވާނެ ކަމަށެވެ.
އެމްޑީޕީ ނޫސްވެރިންގެ ބައްދަލުވުމެއްގައި ހަސަން ލަތީފް ވާހަކަ ދައްކަވަނީ.- ފައިރޫޝް ރިޓަޔާކުރަން ފުުރުސަތު ދީފައިވާތީ ހޯމް މިނިސްޓަރު އިމްރާނަށް ހަސަން ފާޑުވިދާޅުވި. - ފޮޓޯ: މިހާރު ފައިލް ފޮޓޯ
ފައިރޫޝް ރިޓަޔާ ކުރައްވަން ފުރުސަަތު ދިން މައްސަލަ މަޖިލީހުގެ ސަލާމަތާ ބެހޭ ކޮމިޓީން ދިރާސާކުރި އިރު މިނިސްޓަރު އިމްރާން ވިދާޅުވީ، ފައިރޫޝާ ދެކޮޅަށް އެއްވެސް މައްސަލައެއް ހުށަހަޅާފައި ނުވާ ކަަމާއި ތައުދީބީ މަސައްލަައެއް އޭނާއާ ދެެކޮޅަށް ހުށަހަޅާނެ ހާލަތު ވެސް ނެތް ކަމަށެވެ.
މަޖިލީހުގެ މިއަދުގެ ޖަލްސާގައި ހަސަން ވިދާޅުވިގޮތުގައި، އިމްރާނަށް ކުރެއްވިފައި އެ ވަނީ ކުށް ހީއެކެވެ.
އެމްޑީޕީން އަބަދުވެސް ބުނާ ގޮތުގައި އޭރު އެމްޑީޕީގެ ވެރިކަން ވައްޓައިލީ ބަޣާވާތަކުންނެވެ. މިހާރު އަމަލުކުރަން ފަށާފައިވާ ފުލުހުންގެ ހިދުމަތުގެ ގާނޫނު ބުނާ ގޮތުން ބަޣާވާތް ކުރުމުގައި ބައިވެރިވި ކަމަށް ތުހުމަތު ކުރެވޭ ފުލުހުން ޖެހޭނީ ވަކިކުރާށެވެ. ޝަރަފުވެރިކަމާ އެކު ރިޓަޔާ ކުރުމުގެ ފުރުސަތު އެފަދަ ފުލުހުންނަކަށް ނުދެވޭނެ އެވެ.
"ގާނޫނު ފާސްވުމަށް ފަހު، އެ ގާނޫނު އެކުލަވައިލުމުގެ ބޭނުމާއި އަދި މަގްސަދު އެއީ ރިއާޔަތް ކުރަން ޖެހޭނެ ކަންތައްތައް ކަމުގައި އަޅުގަނޑު ގަބޫލުކުރަން ހޯމް މިނިސްޓަރު [އިމްރާން އަބްދުﷲ] މި ކަމުގައި ގޮތެއް ނިންމެވި އިރު،" ހަސަން ވިދާޅުވި އެވެ.
ފުލުހުން ބޭއްވި ހަފްލާއެއްގައި ހޯމް މިނިސްޓަރު އިމްރާން އަބްދުﷲ ބައިވެރިވެވަޑައިގަންނަވަނީ. ކުރީގެ އެސިސްޓެންޓް ކޮމިޝަނާ އޮފް ޕޮލިސް އަބްދުﷲ ފައިރޫޝް ރިޓަޔާކުރުމުގެ ފުރުސަތު ދެއްވުމުން އެމްޑީޕީގެ ޗެއާޕާސަން ހަސަން ލަތީފު އިމްރާނަށް ފާޑުވިދާޅުވި. ފޮޓޯ: އަހްމަދު އަވްޝަން އިލްޔާސް/މިހާރު
ފައިރޫޝާ ދެކޮޅަށް ތައުދީބީ މައްސަލައެއް [އިދާރީ ފިޔަވަޅެއް އެޅޭ ފަދަ މައްސަލައެއް] ހުށަހަޅާނެ ހާލަތު ނެތް ކަމަށް ކޮމިޓީގައި އިމްރާން ވިދާޅުވެފަައި ވާތީ އެކަމަށް ވެސް ހަސަން ވަރަށް ބޮޑަށް ފާޑުވިދާޅުވި އެވެ.
"7 ފެބްރުއަރީ 2012، އެ ބަޣާވާތުގައި ޑރ. އަބްދުﷲ ފައިރޫޝް ހުންނެވީ ކޮންތާކުކަން އަޅުގަނޑުމެން އެންމެންގެ ލޯމަތިން އަދިވެސް ފެންނަން އެ ހުރީ. މަންޒަރުތަކުންނާއި އަދި އޯޑިއޯތަކުން އެއަޑުތައް އިވެން،" ހަަސަން ވިދާޅުވި އެވެ.
އެ ދުވަހު ފުލުހުންގެ މުއައްސަސާ ހިންގުމާ ހަވާލުވެ ހުންނެވިކަން ފައިރޫޝް އަމިއްލައަށް އިއުލާނު ކުރެއްވި ކަމަށާއި އެ އަށް ފަހު ބަޣާވާތުގައި އިސްކޮށް ހުރި މަންޒަރު ސާފުކޮށް ފެންނަން އެބަހުރި ކަމަށް ވެސް ހަސަން ވިދާޅުވި އެވެ.
އެފަދަ މީހަކު ޝަރަފުވެރިކަމާ އެކު ރިޓަޔާކުރަން އިމްރާން ފުރުސަތު ދެއްވީ އެއިން އެއްވެސް ކަމަކަށް ރިއާޔަތް ނުކުރައްވައި ކަމަށް ހަސަަން ވިދާޅުވި އެވެ.
ފައިރޫޝަށް ކުރައްވަން ފުރުސަތު ދިނުމުން އެކަމުގެ ކަންބޮޑުވުން ފާޅުކުރައްވައި އެ މައްސަލަަ ބަލައިދޭން 241 ކޮމިޓީ ގައި އެދިވަޑައިގަތީ ރައްޔިތުންގެ މަޖިލީހުގެ ރައީސް މުހައްމަދު ނަޝީދެވެ. ކޮމިޓީން އެ މައްސަލަ ދިރާސާކޮށް ނިންމި ގޮތުގެ ރިޕޯޓް މަޖިލީހުގެ ތަޅުމަށް ހުށަހެޅީ މިހާރު ކުރިއަށް ގެންދާ ޖަލްސާގަ އެވެ.
އެ ރިޕޯޓްގައި ބުނެފައިވާ ގޮތުގައި ފައިރޫޝް ރިޓަޔާކުރަން ނިންމި ނިންމުމަކީ އެންމެ ފުރިހަމަ އަށް ބަލައިގެން ނިންމާފައިވާ ނިންމުމެއް ކަަަމަށް، ކޮމިޓީއަކަށް ގަބޫލެއް ނުކުރެެވެ އެވެ.
މިނިސްޓަރަށް ފުލުހުންގެ އިތުބާރެއް ނެތް: މެމްބަރު ރާއީ
ދޮގު ވާހަކަ ދެއްކި މައްސަލަ ނުބަލަން އެދެން: ނަޝީދު
ޗެއާޕާސަންގެ ވާހަކަ އަދާލަތުން އެހުން ބުއްދިވެރި:ނަޝީދު
ޝިދާތާގެ ރުޅި އެމްޑީޕީއަށް: ވޯޓަށް އަދާލަތު މުހިއްމުވޭ
"ތަހުގީގުކުރުމަކީ މަޖިލީހުގެ އިންތިޒާމާ ބެހުމެއް ނޫން"
ހަސަންގެ ވިސްނުމަށް ނަޝީދު ވެސް ތާއީދު!
ހަމަނުޖެހުންތައް ބަލަން ނިންމުމުން މިނިސްޓަރު ގޯސްވެއްޖެ
މަޖިލީހުގެ ހަމަނުޖެހުންތައް ބަލާނަން: މިނިސްޓަރު
ގޮނޑިތަކާ ބެހޭގޮތުން އެއްބަސްވުމެއް ނޯންނާނެ: ހަސަން
ޒައީމްގެ ގަޔަށް ކަޅުތެޔޮ ޖެހި މައްސަލަ ފުލުހުން ބަލަނީ