ކޮމިއުނިޓީ ފަންޑަށް ހަތަރުވަނަ ކުއާޓާގެ ޕްރޮޕޯސަލްތައް ހުށަހަޅަން ހުޅުވާލައިފި

ބީއެމްއެލް، އަހަރެންގެ ބޭންކް ކޮމިއުނިޓީ ފަންޑުގެ ހަތަރު ވަނަ ކުއާޓާގެ ޕްރޮޕޯސަލްތައް ހުށަހެޅުމުގެ ފުރުސަތު މިއަދު ހުޅުވާލައިފި އެވެ.

ޕްރޮޕޯސަލް ހުށަހެޅުމުގެ ފުރުސަތު އަމިއްލަ ފަރުދުންނަށާއި ޖަމިއްޔާތަކަށް ލިބޭނެ އެވެ. މިގޮތަށް ހުށަހަޅާ ޕްރޮޕޯސަލްތައް ވާންޖެހޭނީ ތައުލީމާއި ކުޅިވަރުގެ ހަރަކާތްތަކާއި ތިމާވެށި ހިމާޔަތްކުރުމާއި މުޖުތަމައަށް ފައިދާހުރި ކަންކަން ކުރުމަށް ހުށަހަޅާ ޕްރޮޕޯސަލްތަކަކަށެވެ.

މިއަހަރުގެ ހަތަރު ވަނަ ފިޔަވަހީގައި ހުށަހަޅާ ޕްރޮޕޯސަލްތަކުގެ ތެރެއިން ވެސް އެންމެ ރަނގަޅު ފަސް ޕްރޮޕޯސަލް ހޮވައި އެ ޕްރޮޖެކްޓުތައް ހިންގުމަށް ކޮމިއުނިޓީ ފަންޑުގެ އެހީ ލިބޭނެ އެވެ. ކޮންމެ ޕްރޮޖެކްޓެއް ހިންގަން ކޮމިއުނިޓީ ފަންޑުން 50،000ރ. ދޭނެ އެވެ.

މި ފަންޑަށް ޕްރޮޕޯސަލް ހުށަހެޅުމުގެ ފުރުސަތު ހުޅުވާލާފައިވަނީ މި މަހުގެ 30ވަނަ ދުވަހުގެރޭ 11:59އާ ހަމައަށެވެ. ޕްރޮޕޯސަލްތަކާއި އެޕްލިކޭޝަން ހުށަހަޅަން ޖެހޭނީ [email protected] މެއިލް މެދުވެރިކޮށެވެ.

ބީއެމްއެލްގެ ކޮމިއުނިޓީ ފަންޑަކީ އަމިއްލަ ފަރުދުންނާއި ހިލޭ ސާބަހަށް މަސައްކަތްކުރާ ޖަމިއްޔާތަކުން ރަށްރަށުގައި ހިންގަން ބޭނުންވާ ޕްރޮޖެކްޓްތަކަށް މާލީ އެހީތެރިކަން ފޯރުކޮށްދިނުމަށް ހުޅުވާފައިވާ ފަންޑެކެވެ. މިހާތަނަށް މި ފަންޑުގެ ދަށުން 55 ޕްރޮޖެކްޓެއް ހިންގަން ފައިސާގެ އެހީތެރިކަން ވަނީ ފޮރުކޮށްދީފަ އެވެ.