މަޑުއްވަރީގައި ވެސް ބީއެމްއެލް އޭޓީއެމް ބަހައްޓައިފި

ރ. މަޑުއްވަރީގައި ބީއެމްއެލްގެ ސެލްފް ސާވިސް އޭޓީއެމް ސެންޓަރެއް މިއަދު ހުޅުވައިފި އެވެ.

މިއީ ބޭންކުގެ ހިދުމަތް މުޅި ރާއްޖެއަށް ފުޅާ ކުރުމަށް ކުރަމުން އަންނަ މަސައްކަތުގެ ދަށުން ހުޅުވި އޭޓީއެމް ސެންޓަރެކެވެ. އެ އޭޓީއެމް ސެންޓަރު މެދުވެރިކޮށް 24 ގަޑިއިރު ފައިސާ ނެގުމާއި ޖަމާކުރުމުގެ އިތުރުން ބިލަށް ފައިސާ ދެއްކުމާއި ފައިސާ ޓްރާންސްފާ ކުރުމުގެ ހިދުމަތް ލިބޭނެ އެވެ.

މި އޭޓީއެމް ސެންޓަރާ އެކު މިހާރު ރ. އަތޮޅުގެ ފަސް ރަށަކުން އޭޓީއެމްގެ ހިދުމަތް ލިބޭނެ އެވެ. އެއީ މަޑުއްވަރީ އާއި އުނގޫފާރާއި މީދުއާއި އަލިފުއްޓާއި ދުވާފަރެވެ.

ބީއެމްއެލް އިން ނެރުނު ބަޔާނެއްގައި އެ ބޭންކުގެ ސީއީއޯ އަދި މެނޭޖިން ޑިރެކްޓަރު ޓިމް ސޯޔާ ވިދާޅުވީ ކުރިއަށް އޮތްތަނުގައި ވެސް، މީހުން އުޅޭ ގިނަ ރަށްތަކެއް އޭޓީއެމް ސެންޓަރުތައް ހުޅުވަން މަސައްކަތް ކުރަމުން އަންނަ ކަމަށެވެ. އަދި މި އޭޓީއެމްތަކުގެ ސަބަބުން އާއްމުންނާއި ވިޔަފާރިތަކަށް ވެސް ވަރަށް ބޮޑު ފައިދާއެއްވާ ކަމަށް އޭނާ ވިދާޅުވި އެވެ.

މިހާތަނަށް ރާއްޖޭގެ 20 އަތޮޅެއްގައި 35 ބްރާންޗާއި 79 ސެލްފް ސާވިސް ސެންޓަރާއި 137 އޭޓީއެމް ބީއެމްއެލުން ވަނީ ހުޅުވާފަ އެވެ. އަދި 200 އަށްވުރެ ގިނަ ކޭޝް އެޖެންޓުން މެދުވެރިކޮށް ބޭންކިންގެ ހިދުމަތް ވެސް އަންނަނީ ފޯރުކޮށްދެމުންނެވެ.