ގެ ލޫޓުވާލާފައި ދަމުން ދިއްކޮށްލީ 100 ރުޕީސް

އިންޑިއާގެ ދިއްލީގައި ދިރިއުޅޭ 78 އަހަރުގެ އަންހެނެއްގެ ގެއަށް ހަތަރު ވަގަކު ވަދެ އޭނާ މުޅި އުމުރު ދުވަހު އެއްކޮށްފައި ހުރި އަގުހުރި ހުރިހާ އެއްޗެއް ފޭރިގަނެގެން ދަމުން، 100 ރުޕީސް ދީފި އެވެ.

ވަގުން ވަޅި ހިފައިގެން ވަދެ ސަންތޯޝް ޗަންނަން އަށް ބިރުދެއްކި އެވެ. ދެން އޭނާގެ އަތުގައި ހުރި ގަހާނާ އާއި ފައިސާތައް ފޭރިގަތީ އެވެ. އެ މީހުން ނުކުތުމުގެ ކުރިން ޗަންނަން އެދުނީ އޭނާގެ ޚަރަދުތައް ހަމަޖައްސަން އޭގެ ތެރެއިން 2،000 ރުޕީސް ދިނުމަށެވެ. އޭނާ ރޮމުން އާދޭސްކުރި އެވެ.

ވަގުންގެ ތެރެއިން އެކަކު 100 ރުޕީސް ދިއްކޮށްލީ އޭނާގެ ރުއިން ހުއްޓާނުލުމުން "ހަމްދަރުދީ" ވެގެންނެވެ.

ޗަންނަންގެ އަތުން ފޭރިގަތް ގަހަނާގެ އަގު 200،000 ރުޕީސް ވަރު ވާނެ ކަމަށް އިންޑިއާގެ ނޫސްތަކުން ބުނެ އެވެ.

ފުލުހުން ބުނާ ގޮތުގައި އެގެއަށް ގޮސް މިހާރު ވަނީ ފޮރެންސިކް ހެކިތައް ނަގައިފަ އެވެ. އެކަމަކު އެއްވެސް މީހަކު އަދި ހައްޔަރެއްނުކުރެ އެވެ.

އެކަނިމާއެކަނި ދިރިއުޅޭ ޗަންނަންގެ ގެޔަށް ވަގުން ވަނީ ގޭގެ ބިއްލޫރި ދޮރުތައް ތަޅާލައިގެންނެވެ.

އިންޑިއާގައި ކުރިން އާންމުކޮށް ބޭނުންކުރަމުން އައި 1،000 އާއި 500 ރުޕީސްގެ ނޫޓު ބޭނުންކުރުން ކުއްލިއަކަށް ހުއްޓާލުމުން ގިނަ ބަޔަކު އަދިވެސް އުޅެނީ ބޭންކުން ފައިސާ ހޯދުމުގެ ދަތިތަކުގެ ތެރޭގަ އެވެ.