07 ޖުލައި 2022
އިނގިރޭސި ވިލާތުގެ އެތައް ވަޒީރުންނެއް އިސްތިއުފާ ދެއްވުމާ އެކު ބޮޑުވަޒީރު ބޮރިސް ޖޯންސަން ވެސް މިއަދު މަގާމުން އިސްތިއުފާ ދެއްވަން ނިންމަވައިފި އެވެ.
އިނގިރޭސި ވިލާތުގެ އެތައް ވަޒީރުންނެއް އިސްތިއުފާ ދެއްވުމާ އެކު ބޮޑުވަޒީރު ބޮރިސް ޖޯންސަން ވެސް މިއަދު މަގާމުން އިސްތިއުފާ ދެއްވަން ނިންމަވައިފި އެވެ.
މިދިޔަ 24 ގަޑިއިރު ތެރޭގައި ބޮރިސްގެ ކޮންޒަވޭޓިވް ޕާޓީގެ މަޖިލިސް މެންބަރުންނާއި ކެބިނެޓުން އެތައް ބޭފުޅުންނެއް ވަނީ އިސްތިއުފާ ދެއްވައިފަ އެވެ. އޭގެ ތެރޭގައި ކުރީގެ ޗާންސެލާ ރިޝީ ސުނާކް އަދި ހެލްތު ސެކްރެޓަރީ ވެސް ހިމެނެ އެވެ.
ބޮރިސްގެ ޑެޕިއުޓީ ޗީފް ވިޕްގެ މަގާމުގައި ހުރި ކްރިސް ޕިންޗާ މަސްތުގެ ހާލަތުގައި ހުރެގެން ދެ ފިރިހެނަކަށް ޖިންސީ ގޯނާކުރި މައްސަލަ ބޮޑުވެ އެކަމުގައި ބޮރިސް އަމަލުކުރެއްވި ގޮތަށް އަމާޒުވި ފާޑުކިޔުންތަކާ އެކު މީގެ ކުރިން ޖެހުނު އެކި މައްސަލަތައް ވެސް ވަނީ ބޮޑުވެފަ އެވެ.
މީޑިއާ ރިޕޯޓްތައް ބުނާ ގޮތުން ބޮރިސް ޕާޓީގެ ލީޑަރުކަމުން އިސްތިއުފާ ދެއްވުމަށް ފަހު، އާ ސަރުކާރެއް އެކުލަވާލެވެންދެން ބޮޑުވަޒީރުކަމުގައި ހުންނަވާނެ ކަމަށެވެ. އިސްތިއުފާ އިއުލާނުކުރެއްވުމަށް މިއަދު އޭނާ ބަޔާނެއް ދެއްވާނެ ކަމަށް ބީބީސީން ބުންޏެވެ.
ބޮރިސް އިސްތިއުފާ ދެއްވަން މަޖުބޫރުވެ ވަޑައިގަތީ ޕާޓީގެ ކަންކަމާ ހިތްހަމަނުޖެހި ބޮރިސްގެ އިސްތިއުފާއަށް ޕާޓީތެރެއިން ގޮވާލުން އިތުރުވެ އިސްތިއުފާ ދެއްވާ މެންބަރުންގެ އަދަދު އިތުރުވުމުންނެވެ.
ބޮރިސް ޖޯންސަން މަޖިލީހުން ވެސް އިސްތިއުފާ ދެއްވައިފި
އިނގިރޭސި ބޮޑުވަޒީރުގެ މަގާމުގެ ވާދަވެރިކަން ބޮޑުވެފައި
ބޮރިސް އިސްތިއުފާ އިއުލާނުކުރައްވައިފި
އިތުބާރު ނެތްކަމުގެ ވޯޓުން ޖޯންސަން ސަލާމަތްވެއްޖެ
އިނގިރޭސި ބޮޑުވަޒީރަށް ރަޝިޔާ އިން ފިޔަވަޅު އަޅައިފި
އޯކަސްގެ ތެރެއަށް އަޑަށްވުރެ ބާރު މިސައިލް އިތުރުކުރަނީ
ވެކްސިން ފުރިހަމަކުރި މީހުންނަށް އެމެރިކާ ހުޅުވާލަނީ
އަފްގާނިސްތާނުގެ 20،000 މީހުން އިނގިރޭސި ވިލާތަށް
އިނގިރޭސި ވިލާތުން ދޭ ލުއިތަކަކީ ބޮޑު ނުރައްކަލެއް
ދެން ދަސްކުރަންވީ ކޮވިޑާ އެކު އުޅެން: ބޮރިސް
