"ފާސްޓޭ ދޯ" އިން ދަގަނޑު ފުޅިން "ލުއި ފުޅި" އަށް

ވިލާ ހަކަތައިން ކުރިއަށް ގެންދާ "ފާސްޓޭ ދޯ" ޕްރޮމޯޝަނުގައި ދަގަނޑު ގޭސް ފުޅި، އެންމެ ފޯނު ކޯލަކުން "ލުއި ފުޅި" އަށް ބަދަލު ކުރެވޭނެ ކަމަށް ވިލާ ހަކަތައިން ބުނެފި އެވެ.

އެ ފިހާރައިން ބުނީ، ކޮމްޕޮސިޓް ސިލިންޑަރު ނުވަތަ "ލުއި ފުޅި" އަށް ބަދަލު ކުރުމުގެ ޕްރޮމޯޝަނެއް ފެށީ ކަސްޓަމަރުންގެ ފަރާތުން "ލުއި ފުޅި" އަށް ބަދަލު ކުރުމުގެ ގިނަ ރިކުއެސްޓުތަކެއް ލިބޭތީ އެކަން ހެޔޮ އަގެއްގައި ކޮށް ދިނުމަށް ކަމަށެވެ. އަދި އެ ޕްރޮމޯޝަނަށް ބޮޑު ތަރުހީބެއް ލިބެމުން އަންނަ ކަމަށާ އެ ފިހާރައިގެ ނަމްބަރު 3336633 އަށް ގުޅައިގެން ލުއި ފުޅި އަށް ބަދަލުކުރަން ރިކުއެސްޓު ކުރެވޭނެ ކަމަށް ބުންޏެވެ.

މި ޕްރޮމޯޝަންގެ ދަށުން ލުއި ފުޅިއަށް ބަދަލުކޮށްދެނީ 499ރ. އަށެވެ. ލުއި ފުޅި އަކީ ދަގަނޑު ފުޅިއާ ހިލާފަށް އެތައް ގުނައެއް ލުއި، ބަލައިލަން ވެސް ރީތި ފުޅިއެކެވެ. "ފާސްޓޭ ދޯ" ޕްރޮމޯޝަން ކުރިއަށް ދާނީ އަންނަ މަހުގެ ނިޔަލަށެވެ.

ވިލާ ގޭހުން ބުނީ ގޭހުގެ ހިދުމަތް އެންމެ އަވަހަށް ފޯރު ކޮށްދީ، އެންމެ "ފާސްޓް" ޑެލިވަރީގެ ހިދުމަތް ދެނީ އެތަނުން ކަމަށެވެ. ވިލާ ގޭހުން ކުރިއަށް ގެންދާ ކެމްޕެއިންނަށް ނަން ދީފައި ވަނީ އެކަމާ ގުޅުވައިގެންނެވެ.