ޑރ. މާނު: ނަފްސާނީ ބަލީގެ މުހިއްމު ވާހަކަތަކެއް

ނަފްސާނީ ބައްޔާ މެދު އާއްމުންގެ ހޭލުންތެރިކަން އިތުރުވެއްޖެ އެވެ. އެކަން އެންމެ ބޮޑަށް އެނގިގެން ދަނީ ޑޮކްޓަރަށް ދެއްކުމަށާއި ތެރަޕީތައް ނެގުމަށް ދަމާލާފައި އޮތް ކިއުތަކުންނެވެ. އެކަމަކު އޭގެ އަނެއް ފަޅިއަށް ވެސް ބަލާލަން ޖެހެ އެވެ.

ބައެއް މީހުން އަދި ވެސް ގަބޫލުކުރަނީ ނަފްސާނީ މައްސަލަތައް ދިމާވަނީ ދީނީ އަގީދާ ބަލިކަށިވުމުން ކަމަށެވެ. އެ ވިސްނުންތަކާ ހެދި ޕްރޮފެޝަނަލް އެހީތެރިކަން ހޯދަން އަދި ވެސް ފަސްޖެހެ އެވެ.

ހުޅުމާލެ ހޮސްޕިޓަލުގައި މަސައްކަތްކުރައްވާ ސައިކޭޓްރިސްޓް، ޑރ. މައުމޫން ޝަރީފް (މާނު) ވިދާޅުވި ގޮތުގައި ނަފްސާނީ ގޮތުން މީހާ ބަލިކަށިވުމަށް މެދުވެރިވާ ބައިވަރު ސަބަބުތައް އެބަހުއްޓެވެ.

އެ ބައްޔާ މެދު މީހުން ދެކޭ ގޮތް ބަދަލުވުމަކީ ވެސް އެކަން ތަހައްމަލުކުރާ މީހުންނަށް ލުއެއް ލިބޭނެ ކަމެއް ކަމަށް އޭނާ ވިދާޅުވި އެވެ.

މި އިންޓަވިއުގައި މާނު މި ކިޔައިދެނީ ނަފްސާނީ ބަލިތަކާއި އެ ބަލިތަކާ މެދު ކުރެވޭ ކުށްހީތައް އަދި އެ ބަލީގައި ޖުމްލަކޮށް ރާއްޖެ އޮތް ހާލަތެވެ.