ކްރޮސް ރޯޑްސް ހިންގާ ސިންހާ އެސްޓޭޓްގެ ޗެއާމަން އަވަހާރަވެއްޖެ

ރާއްޖޭގައި ކްރޮސް ރޯޑްސް އާއި އެކި ވިޔަފާރިތައް ހިންގަމުން އަންނަ ސިންހާ އެސްޓޭޓްގެ ޗެއާމަން ޗުޓިނަންތު ބިރޮމްބާކްދީ މިއަދު އަވަހާރަވެއްޖެ އެވެ.

އުމުރުން 65 އަހަރުގައި އޭނާ އަވަހާރަވީ، އެމެރިކާގައި ފަރުވާ ދެމުން ދަނިކޮށެވެ. އޭނާ އަވާހަރަވި އިރު އަންބަކާއި ތިން ދަރިން އެބަތިއްބެވެ.

ސިންހާ އެސްޓޭޓުން ވަނީ ވޭތުވެދިޔަ ހަތް އަހަރު އެ ކުންފުނީގެ މާލިއްޔަތު 1.8 ބިލިއަން ޑޮލަރަށް އިތުރުކޮށްފަ އެވެ.

ސިންހާ އިން އިން ރާއްޖޭގައި ހަދާފައިވާ ކްރޮސް ރޯޑަކީ 300 މިލިއަން ޑޮލަރު ހޭދަކުރި މަޝްރޫއެކެވެ.

ސިންހާ އެސްޓޭޓަކީ ތައިލެންޑްގެ މަޝްހޫރު ވިޔަފާރި ބޫން ރައުޑް ބްރޫވަރީގެ ދަށުން ހިންގާ ކުންފުންޏެވެ. އެ ކުންފުންޏަކީ ބިރޮންބާކްދީ އާއިލާއިން 1872 ވަނަ އަހަރު އުފެއްދި ކުންފުންޏެކެވެ. އެ ކުންފުނީގައި 3،500 އަށް ވުރެ ގިނަ މުވައްޒަފުން މަސައްކަތް ކުރެ އެވެ. އެކުންފުނިން ރިއަލް އެސްޓޭޓުގެ އިތުރުން ވެސް ތަފާތު އެކި ވިޔަފާރިތައް އަންނަނީ ހިންގަމުންނެވެ.