ހުޅުމާލޭ ވޯޓާ ތީމް ޕާކު ހެދުމުގެ އެއްބަސްވުން ބާތިލްކޮށް، އެތަން އަތުލަން އެޗްޑީސީން ނިންމި ނިންމުން ހައިކޯޓުން ހުއްޓުވި މައްސަލަ އެ ކުންފުނިން ސުޕްރީމް ކޯޓަށް ހުށަހަޅައިފި އެވެ.
06 އޮކްޓޯބަރ 2022
ހުޅުމާލޭ ވޯޓާ ތީމް ޕާކު ހެދުމުގެ އެއްބަސްވުން ބާތިލްކޮށް، އެތަން އަތުލަން އެޗްޑީސީން ނިންމި ނިންމުން ހައިކޯޓުން ހުއްޓުވި މައްސަލަ އެ ކުންފުނިން ސުޕްރީމް ކޯޓަށް ހުށަހަޅައިފި އެވެ.
ވޯޓާ ތީމް ޕާކަކާއި ހަ ބުރީގެ ލެޝާ ހޮޓަލެއް އަޅަން ވޯޓާ ފްރަންޓް އެންޑް ލެޝާ ކުންފުންޏާއެކު 2017 ވަނަ އަހަރު އެޗްޑީސީން ސޮއިކުރި އެއްބަސްވުން މިދިޔަ އޮގަސްޓް މަހު އުވާލުމަށްފަހު އެތަން ހަވާލުކުރަން އެންގި އެވެ. އެ މައްސަލަ ސިވިލް ކޯޓުގައި އަންނަނީ ހިނގަމުންނެވެ.
ސިވިލް ކޯޓުން ނިންމާފައި އޮތީ މައްސަލަ ނިމެންދެން އެތަން އަތުލުން ހުއްޓުވުމުގެ އަމުރެއް ނެރެދެވެން ނެތް ކަމަށެވެ. އެ ނިންމުން ލެޝާ ކުންފުނިން އިސްތިއުނާފް ކުރުމުން ހައިކޯޓުން މިދިޔަ މަހު އެންގީ ހައިކޯޓުން ގޮތެއް ނިންމެންދެން އެތަން އަތުލުން މަޑުޖައްސާލުމަށެވެ.
ހައިކޯޓުގެ އެ ނިންމުން އެޗްޑީސީގެ ފަރާތުން ސުޕްރީމް ކޯޓަށް ހުށަހެޅީ މިދިޔަ އަންގާރަ ދުވަހު އެވެ. އެ މައްސަލަ ބަލައިގަތުމާ މެދު އެ ކޯޓުން އަދި ގޮތެއް ނުނިންމަ އެވެ.
އެޗްޑީސީން އަންގާފައި އޮތީ 30 ދުވަސް ތެރޭގައި ތަން ހަވާލުކުރުމަށެވެ. ހައިކޯޓުގެ އަމުރާ އެކު، އެކަން ވަނީ ހުއްޓާލަން ޖެހިފަ އެވެ.
ވޯޓާތީމް ޕާކް އަތުލުން ހުއްޓުވުމުގެ އަމުރު ބާތިލްކޮށްފި
ވޯޓާ ތީމް ޕާކް އަތުލުން ހައިކޯޓުން ހުއްޓުވައިފި
ވިނަރެސްގެ އެޕާޓްމެންޓެއް ވިއްކުން ހުއްޓުވައިފި
2،100 ފްލެޓާ އެކު އެޗްޑީސީގެ ބިޔަ 15 ޕްރޮޖެކްޓެއް
ހުޅުމާލޭގައި ކޯޓެއް ހުރުމުން ކަންބޮޑުވާންޖެހޭ:ހައި ކޯޓް
އެއް ރަށެއް، އެއް އަވަށެއް: އެއް ކަމަކަށް ދެ ކޯޓު؟
ބުޓީކް ހޮޓެލް އިމާރާތްކޮށް ހިންގަން ހުޅުވާލައިފި
އާބަން އައިލްގެ ޗެނަލް ހުޅުވައި، އާޓިފިޝަލް ބީޗެއް
ހުޅުމާލޭގެ ތިން ވަނަ ފިޔަވަހި ހިއްކުން އަލުން ފަށައިފި
16 ޕްރޮޖެކްޓަކަށް ސައުދީ ފަންޑުން އެހީވެފައިވޭ