ޓްރީ ޓޮޕުން މަލްޓި ސްޕެޝަލްޓީ ކޭމްޕެއް ޅ. އަތޮޅު ހޮސްޕިޓަލުގައި ބާއްވައިފި

ޓްރީ ޓޮޕް ހޮސްޕިޓަލުން މަލްޓި ސްޕެޝަލްޓީ ހެލްތު ކޭމްޕެއް ޅ. އަތޮޅު ހޮސްޕިޓަލުގައި ބާއްވައިފި އެވެ.

މި ކޭމްޕުގައި އެ ހޮސްޕިޓަލުގެ މަލްޓި ޑިސިޕްލިނަރީ ސްޕެޝަލިސްޓުންގެ ޓީމެއް ވަނީ ބައިވެރިވެފަ އެވެ. މި ހެލްތު ކޭމްޕު ބޭއްވީ މި މަހުގެ އަށް ވަނަ ދުވަހާއި ނުވަ ވަނަ ދުވަހު އެވެ.

މި ކޭމްޕުގައި ބައިވެރިވި ޑޮކްޓަރުންގެ ޓީމުގައި އެ ހޮސްޕިޓަލުގެ ކޮންސަލްޓަންޓް ނެޕްރޮލޮޖިސްޓް ޑރ. މްލަޑެން ނޮޓެކް، އީ.އެން.ޓީ ސްޕެޝިއަލިސްޓް ޑރ. ޗަންދްރަޝޭކާ ރަވާލް އަދި ކޮންސަލްޓަންޓް ކާޑިއޮލޮޖިސްޓް ޑރ. އަމިތު އަގަރްވަލް ހިމެނެ އެވެ. އޭގެ އިތުރުން ކޮންސަލްޓަންޓް ޑާމަޓޮލޮޖިސްޓް ޑރ. އަނޫ އަގަރްވާލް، ކޮންސަލްޓެންޓް އޯތޮޕީޑިކް އަދި ޓްރޯމާ ސާޖަން ޑރ. މުހައްމަދު ހަބީބް އާއި ކޮންސަލްޓަންޓް ކާޑިއޮލޮޖިސްޓް ޑރ. މޫސާ މަނިކު އިބްރާހިމް، ކޮންސަލްޓެންޓް އޯތޮޕީޑިކް ޑރ. އަލީ މުޒްނީ އާއި ކޮންސަލްޓަންޓް އޮބްޓެޓްރިކްސް އެންޑް ގައިނެކޮލޮޖިސްޓް ޑރ. ޕްރީތީ ސޮލޮމަން އަދި ކޮންސަލްޓަންޓް އެންޑޯކްރިނޮލޮޖިސްޓް ޑރ. ބިނޫ ޕިއްލައި ހިމެނެ އެވެ.

މި ކޭމްޕުގައި ބައިވެރިންގެ ހެލްތު ސްކްރީނިން ހެދުމުގެ އިތުރުން އިތުރު ފަރުވާ ފަރާތްތަކަށް ރިފަރަލް ވެސް ވަނީ ހަމަޖައްސައިދީފަ އެވެ. މި ހެލްތު ކޭމްޕުގައި ގިނަ ބަޔަކު ބައިވެރިވެ، ހެލްތް ސްކްރީނިން ހައްދާފައިވާ ކަމަށް އެ ހޮސްޕިޓަލުން ބުންޏެވެ.

ޓްރީ ޓޮޕް ހޮސްޕިޓަލުން ދަނީ އެ ހޮސްޕިޓަލުގެ ޑޮކްޓަރުންގެ ޓީމުތަކާއި އެކު ރާއްޖޭގެ އެކި ހިސާބުތަކުގައި މި ފަދަ ހެލްތު ސްކްރީނިން ކޭމްޕުތައް ބާއްވަމުންނެވެ.