އެމްކިއުއޭގެ ސީއީއޯއަކަށް ފިޒާނާ ރަޝީދު

02 ޖެނުއަރީ 2024

މޯލްޑިވްސް ކޮލިފިކޭޝަން އޮތޯރިތީ (އެމްކިއުއޭ)ގެ ސީއީއޯ އަކަށް, ހަޔާ އެޑިއުކޭޝަން މިނިސްޓްރީގެ ސްޓޭޓް މިނިސްޓަރު މަރިޔަމް ފިޒާނާ ރަޝީދު އައްޔަން ކުރައްވައިފި އެވެ.

ފާތިމަތު އަޖްފާން

ފިޒާނާ އައްޔަނު ކުރެއްވުމުގެ ކުރިން އެ މަގާމު ފުރުއްވީ ޑރ. އަބްދުލް ހަންނާނެވެ.

ހަޔާ އެޑިއުކޭޝަން މިނިސްޓްރީން މިއަދު ވަނީ ފިޒާނާ އެ މަގާމަށް އައްޔަން ކުރައްވައި އޭނާއަށް މަރުހަބާ ކިޔައިފަ އެވެ. އޭނާ ވަނީ ހަޔާ އެޑިއުކޭޝަން މިނިސްޓަރު ޑރ. މަރިޔަމް މާރިޔާ އާއެކު އެމްކިއުއޭގެ މުވައްޒަފުންނާ ބައްދަލުކުރައްވާފަ އެވެ.

Congratulations to Mariyam Fizaana Rashyd on her appointment as the new CEO of MQA. Minister Dr. Mariya led a meeting with the new CEO, followed by discussions that actively engaged the staff, marking the commencement of this new chapter. @mqamaldives pic.twitter.com/0taWiQWb7T
— Min. of Higher Edu, Labour and Skills Development (@MoHEmv) January 2, 2024

އާބަންކޯގެ މެނޭޖިން ޑިރެކްޓަރު، އިބްރާހިމް ފަޒުލް ރަޝީދުގެ އެއްބަނޑު އެއްބަފާ ދައްތަ، ފިޒާނާ ވަނީ އެމްކިއުއޭގެ ޑިރެކްޓާ ޖެނެރަލްގެ މަގާމު ފުރުއްވާފަ އެވެ.

އަދި މޯލްޑިވްސް ނޭޝަނަލް ޔުނިވާސިޓީ (އެމްއެންޔޫ)ގެ ފެކަލްޓީ އޮފް އެޑިޔުކޭޝަންގެ ޑީންގެ މަގާމު 2017 އިން 2021 އަށް ފިޒާނާ ވަނީ އަދާކުރައްވާފަ އެވެ.

Comments