24 މާޗް 2024
މާލޭގެ ގެސްޓްހައުސްއަކަށް ގެންގޮސް، 11 އަހަރުގެ ކުއްޖަކަށް ޖިންސީ ގޯނާކުރި ކަމުގެ ދައުވާލިބޭ އަނީސް ހިލްމީ ކްރިމިނަލް ކޯޓުން ދޫކޮށްލީ ގާނޫނާ ހިލާފަށް ކަމަށް ކަނޑައަޅައި، އޭނާ އަލުން ބަންދުކުރަން ހައި ކޯޓުން މިއަދު އަމުރުކޮށްފި އެވެ.
މާލޭގެ ގެސްޓްހައުސްއަކަށް ގެންގޮސް، 11 އަހަރުގެ ކުއްޖަކަށް ޖިންސީ ގޯނާކުރި ކަމުގެ ދައުވާލިބޭ އަނީސް ހިލްމީ ކްރިމިނަލް ކޯޓުން ދޫކޮށްލީ ގާނޫނާ ހިލާފަށް ކަމަށް ކަނޑައަޅައި، އޭނާ އަލުން ބަންދުކުރަން ހައި ކޯޓުން މިއަދު އަމުރުކޮށްފި އެވެ.
ޖޫން، 2020 ގައި މާލޭގައި 11 އަހަރުގެ އަންހެން ކުއްޖަކަށް އެކި ބާވަތުގެ ތަކެތި ގަނެދީ، ގްރޫމްކޮށްގެން، އެ ކުއްޖާ ގެސްޓްހައުސްއަކަށް ގެންގޮސް އެ ކުއްޖާއަށް ޖިންސީ ގޯނާކުރިކަމުގެ ތުހުމަތުގައި ދައުލަތުން ދައުވާކުރާ އަނީސް ހުރީ ޝަރީއަތް ނިމެންދެން ބަންދުކޮށްފަ އެވެ.
ކްރިމިނަލް ކޯޓުން މިދިޔަ މަހުގެ ފަހުކޮޅު އޭނާ ބަންދުން ދޫކޮށްލީ އޭނާ ބަންދުގައި ހުރިއިރު ގަވާއިދާ ހިލާފް ކަމެއް ނުކުރާތީ އާއި އެ މައްސަލާގައި ހެކިބަސް ނެގުން ނިމިފައިވާ ކަމަށް ބުނެ އެވެ.
އެ މައްސަލަ ދައުލަތުން އިސްތިއުނާފް ކުރުމުން ހައި ކޯޓުން މިއަދު ކުރި ހުކުމުގައިވަނީ މައްސަލައިގެ ހެކިބަސް ނަގައި ނިމިފައި އޮތުމަކީ އޭގެ މައްޗަށް އެކަނި ބިނާކޮށް ދައުވާލިބޭ މީހަކު ބަންދުން ދޫކޮށްލަންޖެހޭ އެކަށީގެންވާ ސަބަބެއް ނޫން ކަމަށެވެ. އަދި ބަންދުގައި ބަހައްޓާފައިވާ ހާލަތު ބަދަލުވުމުން އެ މީހަކު ބަންދުން ދޫކުރެވޭނީ އަސްލު މައްސަލައަށް އަސަރު ނުކުރާނެ ގޮތަކަށް އަދި ބަންދުން ދޫކުރުމުގެ ޝަރުތުތަކާ އެއްގޮތަށް އަމަލު ކުރާކަން ބެލެހެއްޓޭނެ ގޮތެއްގެ މަތިން ކަމަށް ހުކުމުގައިވެ އެވެ.
މީގެ އިތުރުން އެ މައްސަލަ އިސްތިއުނާފް ކުރިއިރު، އޭނާ ގޭ ބަންދުގައި ހުއްޓަސް އެގޮތަށް މީހުން ގެއަށް ބަދަލުކުރެވެނީ ގާނޫނާ އެއްގޮތަށް ކަމަށް ނުބެލެވޭ ކަމަށް ހުކުމުގައިވެ އެވެ. އަދި އެގޮތަށް މީހުން ގޭ ބަންދަށް ބަދަލުކުރާ ނަމަ އެކަން ކުރަން ޖެހޭނީ ގާނޫނީ އުސޫލުތަކުގެ ތެރެއިން ކަމަށާއި އެފަދަ އުސޫލެއް ނެތި އެގޮތަށް އަމަލު ނުކުރެވޭނެ ކަމަށް ވެސް ތިން ފަނޑިޔާރުންގެ އިއްތިފާގުން ކުރެއްވި އެ ހުކުމުގައިވެ އެވެ.
އެކަންކަން ފާހަގަކޮށް، ހައި ކޯޓުގެ ހުކުމުގައިވަނީ އަނީސް ބަންދުން ދޫކޮށްލަން ނެރުނު އަމުރު ބާތިލްކޮށް އަދި އޭނާ އަލުން ބަންދު ކުރުމާ މެދު ކްރިމިނަލް ކޯޓުން އަލުން ގޮތެއް ނިންމަންދެން އޭނާ ހަތް ދުވަސް ވަންދެން ބަންދުކުރަން އަންގާ ކަމަށެވެ.
އެ މައްސަލަ ހައި ކޯޓުން ބެއްލެވީ ފަނޑިޔާރު ދީބާނާޒް ފަހުމީ އާއި ފަނޑިޔާރު ހުޒައިފާ މުހައްމަދުގެ އިތުރުން ފަނޑިޔާރު މުހައްމަދު ފައިސަލެވެ. ބެންޗުގެ ރިޔާސަތަކީ ފަނޑިޔާރު ދީބާނާޒެވެ.
ކުޑަކުއްޖަކު މާލެ ގެނެސް ބެހުނު މީހާއަށް 4 ދައުވާ
ރޭޕްގެ ތުހުމަތުކުރެވޭ މީހާ ޝަަރީއަތް ނިމެންދެން ބަންދު
ރޭޕްގެތުހުމަތު ކުރެވޭ މީހާގެ ބަންދު އިތުރުކުރަން އެެދެނީ
ރޭޕްގެ ތުހުމަތުކުރެވޭ މީހާގެ ބަންދަށް 7 ދުވަސް
ކުށް ސާބިތުނުވުމުން ވީޑިއޯ ރިޕޯޓް ހަދާތީ ފާޑުކިޔުން
މަންޑޭގެ ޕާސްޕޯޓް ދޫކޮށްލި މައްސަލަ އިސްތިއުނާފްކޮށްފި
ބައިކިލޯ ޑްރަގް: އުމުރު ދުވަހުގެ އަދަބު 12 އަހަރަށް
ހަކުދިންނާ ބެހުމުގެ ތުހުމަތުވި މީހާ ކޯޓުން ދޫކޮށްލައިފި
އަނބިމީހާގެ ގަޔަށް ވަޅިހެރީ ނިދާފައި އޮއްވައި
ޝަރީއަތް ނިމެންދެން ނަދީމް ބަންދުކުރީ ގޯސްކޮށް: ކޯޓް