ކިޔަވަން ފެށުމުގެ ކުރިން ހުއްދަ ލިބިފައިވާ ކޯހެއްކަން ކަށަވަރު ކުރަން އެދިއްޖެ

މަތީ ތައުލީމުގެ ކޯހަކާ ގުޅުމުގެ ކުރިން ހުއްދަ ލިބިފައިވާ ޕްރޮގްރާމެއްކަން ކަށަވަރުކުރަން އެމްކިއުއޭއިން މިއަދު އެދިއްޖެ އެވެ.

އެ އޮތޯރިޓީން ކުރި އިއުލާނެއްގައި ބުނީ މަތީ ތައުލީމާއި ތަމްރީނު ދޭ ގިނަ މަރުކަޒުތަކުން ހިންގާ ގިނަ ޕްރޮގްރާމްތައް ސޯޝަލް މީޑިއާގެ އެކި ޕްލެޓްފޯމްތަކުގައި އިޝްތިހާރު ކުރަމުންދާ ކަމަށެވެ.

އެހެންވެ އެ ކޯހަކަށް އެންރޯލް ވުމުގެ ކުރިން، އެ ޕްރޮގްރާމް ހިންގަނީ އެމްކިއުއޭ އިން ހުއްދަ ދޫކޮށްފައިވާ ގޮތަށް ކަން ކަށަވަރުކޮށް، ކިޔެވުމުގެ ފެށުމުގެ ކުރިން އެ ޕްރޮގްރާމަކާ ބެހޭ މައުލޫމާތު ހޯދުމަށް ވަނީ އިލްތިމާސް ކޮށްފަ އެވެ.

ހުއްދަ ދީފައިވާ ކޯސްތަކާއި އެހެނިހެން މައުލޫމާތު ވެބްސައިޓުން ފެންނާނެ ކަމަށް އެމްކިއުއޭއިން ބުންޏެވެ.