ލިވިން އެކްސްޕޯގައި ބީއެމްއެލް އިސްލާމިކްގެ ހައުސިން ފައިނޭންސިންގެ މައުލޫމާތު ދެނީ

ހުޅުމާލޭގެ ސެންޓްރަކް ޕާކުގައި މިހާރު ކުރިއަށް ގެންދާ ލިވިން އެކްސްޕޯގައި ގާއިމްކޮށްފައިވާ ބޭންކް އޮފް މޯލްޑިވްސް (ބީއެމްއެލް) ގެ އިސްލާމިކްގެ ސްޓޯލުން އެ ބޭންކުގެ ހިދުމަތްތަކާއި ހައުސިން ފައިނޭންސިންގެ ފުރުސަތުތަކުގެ މައުލޫމާތު ފޯރުކޮށްދެމުން އަންނަ ކަމަށް ބީއެމްއެލް އިން ބުނެފި އެވެ.

މިރޭގެ 11 ޖެހުމާ ހަމައަށް ކުރިއަށް ގެންދާ މި އެކްސްޕޯގައި ހުރި ބީއެމްއެލް އިސްލާމިކްގެ ސްޓޯލުން އެ ބެންކުގެ މުވައްޒަފުން ހައުސިން ފައިނޭންސިންގެ މައުލޫމާތުތައް ހިއްސާ ކުރުމުގައި ހަރަކާތްތެރިވާނެ ކަމަށް ބީއެމްއެލް އިން ބުންޏެވެ.

ބީއެމްއެލް އިސްލާމިކުން އަންނަނީ ރާއްޖޭގައި ހޯމް ޕާޗޭސް ފައިނޭންސިން ދޫކުރާ އެންމެ ކުޑަ ރޭޓުގައި ފައިނޭންސް ކޮށްދެމުންކަން ބެންކުން ފާހަގަކުރި އެވެ. މި ވަގުތު މާކެޓްގައި އެންމެ ދިގުމުއްދަތަކަށް (25 އަހަރު) ބަހާލައިގެން ފައިސާ ދެއްކުމުގެ ފުރުސަތު ވެސް ބީއެމްއެލް އިސްލާމިކް މެދުވެރިކޮށް ދެމުން އަންނަ ކަމަށް އެ ބެންކުން ބުންޏެވެ.

ބީއެމްއެލް އިސްލާމިކްގެ ފައިނޭންސިން ޕްރޮޑަކްޓްތައް ފަރުމާ ކޮށްފައިވަނީ ޝަރުއީ ހަމަތަކާ އެއްގޮތްވާ ގޮތުގެ މަތިންނެވެ. މި އަހަރުގެ މެއި މަހު ބީއެމްއެލް އިސްލާމިކުން ވަނީ ރާއްޖޭގައި ފުރަތަމަ ފަހަރަށް ޝަރުއީ ހަމަތަކަށް ފެތޭ ކްރެޑިޓް ކާޑު ވެސް ތައާރަފު ކޮށްފަ އެވެ.