މެލޭޝިއާގައި ދީނީ ޖަމާއަތެއްގެ ކެއާ ހޯމްތަކުގައި ކުދިންނަށް އަނިޔާކޮށްފި

މެލޭޝިއާގައި އިސްލާމީ ޖަމާއަތަކުން ކުޑަކުދިން ގެންގުޅޭ ބަލަހައްޓާ ކެއާ ހޯމްތަކެއްގައި ކުޑަކުދިންނަށް އަނިޔާކުރާ ކަމުގެ ތުހުމަތަށް އެތައް ސަތޭކަ ބަޔަކު ހައްޔަރުކޮށްފައިވާ ކަމަށް އެ ގައުމުގެ ފުލުހުން ބުނެފި އެވެ.

ފާއިތުވި އަހަރުތަކުގައި މިފަދަ އެންމެ ބޮޑު މައްސަލަކަމަށް ބެލެވޭ މި ހާދިސާގައި ފުލުހުން ހޮނިހިރު ދުވަހު ބުނީ ދީނީ އިލްމުވެރިންނާއި ކުދިން ބަލަހައްޓާ މީހުން ހިމެނޭގޮތަށް 355 މީހަކު ހައްޔަރުކޮށް 400 އަށްވުރެ ގިނަ ކުދިން ސަލާމަތްކޮށްފައިވާ ކަމަށެވެ.

މި މައްސަލައިގެ ތަހުގީގުގެ މައިގަނޑު ނަމެއްގެ ގޮތުގައި އޮތީ ގްލޯބަލް އިޚްވާން ސާވިސް އެންޑް ބިޒްނަސް (ޖީއައިއެސްބީ) ގްރޫޕެވެ. މަނާކޮށްފައިވާ އަލް އަރްކަމް ޖަމާއަތާއި މި ކެއާހޯމްތަކާ ގުޅުން އޮންނަ ކަމަށް ބުނެ ޒަމާނުއްސުރެ ހިޔާލު ތަފާތުވަމުން އަންނަ މައްސަލަ ބޮޑު ހިސާބެކެވެ.

ފުލުހުން ބުނީ ޖީއައިއެސްބީގެ ލީޑަރު ނާސިރުއްދީން އަލީ އާއި އެ ޖަމާއަތުގެ އިތުރު 30 މީހަކު ހައްޔަރުކުރީ ޗެރިޓީ ހޯމްތަކާއި ވިޔަފާރިތަކާއި ދީނީ ސްކޫލްތައް ހިމެނޭ ގޮތަށް ވަރަށް ގިނަ ތަންތަން ބަލައި ފާސްކުރުމަށް ފަހު ކަމަށެވެ.

އަންގާރަ ދުވަހު މެލޭޝިއާގެ ޕޮލިސް ޗީފް ރަޒާރުއްދީން ހުސައިން ވިދާޅުވީ ގާތްގަނޑަކަށް 124،000 ޑޮލަރު ހުރި. އެ ޖަމާއަތާ ގުޅުން ހުރި 96 އެކައުންޓެއް ކަމާބެހޭ ފަރާތްތަކުން ފްރީޒްކޮށް، އަށް ވެހިކަލެއް ހިފަހައްޓާފައިވާ ކަމަށެވެ.

ޖީއައިއެސްބީން އެންމެ ފުރަތަމަ އެ ތުހުމަތުތައް ދޮގުކޮށް ބުނީ ސެލަންގޯރު އަދި ނެގެރީ ސެމްބިލާން ސްޓޭޓްތަކުން ބަލައި ފާސްކުރި ކެއާ ހޯމްތައް ހިންގާފައި ނުވާ ކަމަށެވެ. ނަމަވެސް މިދިޔަ ހަފުތާގައި އެ ޖަމާއަތުގެ ފޭސްބުކް ޕޭޖަށް އާންމުކުރި ވީޑިއޯއެއްގައި ޗީފް އެގްޒެކެޓިވް ނާސިރުއްދީން ވަނީ ހިޔާތަކުގައި ފިރިހެން ކުދިންނާ ބެހުމުގެ ދެ ހާދިސާއެއް ވަރު ހިނގާފައިވާ ކަމަށެވެ. އެހާ ބޮޑަށް އެ މައްސަލަ ނެތް ކަމަށް ބުންޏެވެ.

މެޑިކަލް ސްކްރީނިންތަކުން ދައްކާ ގޮތުގައި މަދުވެގެން 13 ކުއްޖަކު ޖިންސީ ގޯނާގެ ޝިކާރައަކަށްވެފައިވާ ކަމަށް ރަޒާރުއްދީން ވިދާޅުވެއްޖެ އެވެ.

ކެއާ ފެސިލިޓީތަކުގައި ތިބި ކުޑަކުދިންގެ ވެލްފެއާ އާއި މެލޭޝިއާގައި ޗެރިޓީ ޖަމިއްޔާތައް ރެގިއުލޭޓް ކުރުމާ މެދު މި މައްސަލައިގެ ސަބަބުން ވަނީ ކަންބޮޑުވުން އުފެދިފަ އެވެ.

އަލް-އަރްކަމް ފިކުރަކީ ހައްދުފަހަނައަޅާފައިވާ ފިކުރު ފަތުރާތީ 1994 ވަނަ އަހަރު ކަމާބެހޭ ފަރާތްތަކުން މަނާކޮށްފައިވާ ޖަމާއަތެކެވެ. ޖީއައިއެސްބީގެ މެންބަރުން ވަނީ 2011 ވަނަ އަހަރު "ކިޔަމަންތެރި އަނބިންގެ ކްލަބެއް" އުފައްދައި ފިރިން މަގުފުރެދިގެން ދިއުން ހުއްޓުވުމަށް އަންހެނުން "އެނދުގައި ތިބުމަށް" ގޮވާލައިފަ އެވެ.