މަރަދޫފޭދޫ ފެނަކަ ބްރާންޗުން ފައިސާތަކެއް ގެއްލުނު މައްސަލައެއް ބަލަނީ

އައްޑޫ މަރަދޫފޭދޫގައި ހުންނަ ފެނަކަ ކޯޕަރޭޝަންގެ ބްރާންޗުން ފައިސާތަކެއް ގެއްލުނު މައްސަލައެއް އެ ކުންފުނިން ބަލަން ފަށައިފި އެވެ.

ފެނަކައިގެ މީޑިއާ އޮފިޝަލް، "މިހާރު" އަށް ވިދާޅުވީ މަރަދޫފޭދޫގެ ފެނަކަ އޮފީހުން ފައިސާތަކެއް ގެއްލުނު މައްސަލައެއް އެ ކުންފުނިން ބަލަމުން އަންނަ ކަމަށާއި ނަމަވެސް އެ މައްސަލާގައި މިހާތަނަށް އެއްވެސް މީހަކަށް ފިޔަވަޅު ނާޅާ ކަމަށް އޮފިޝަލް ވިދާޅުވި އެވެ.

މައްސަލަ ބެލުމަށް ފަހު، އިހުމާލުވާ ފަރާތެއް އޮތްނަމަ ފިޔަވަޅު އަޅާނެ ކަމަށް އޮފިޝަލް ވިދާޅުވި އެވެ. ނަމަވެސް އެ މައްސަލައިގެ ތަފްސީލެއް އޭނާ ނުދެއްވަ އެވެ.

ގެއްލުނު ފައިސާގެ އަދަދެއް ވެސް އަދި ސާފެއް ނުވެ އެވެ.