03 ނޮވެމްބަރ 2024
ރާއްޖޭގެ މިނިވަންކަން ދިފާއުކުރަން ދިވެހި ސިފައިން ތިބީ ފުރާނައިން ގުރުބާންވާން ތައްޔާރަށް ކަމަށް، ޗީފް އޮފް ޑިފެންސް ފޯސް މޭޖަ ޖެނެރަލް އިބްރާހީމް ހިލްމީ މިއަދު ވިދާޅުވެއްޖެ އެވެ.
ރާއްޖޭގެ މިނިވަންކަން ދިފާއުކުރަން ދިވެހި ސިފައިން ތިބީ ފުރާނައިން ގުރުބާންވާން ތައްޔާރަށް ކަމަށް، ޗީފް އޮފް ޑިފެންސް ފޯސް މޭޖަ ޖެނެރަލް އިބްރާހީމް ހިލްމީ މިއަދު ވިދާޅުވެއްޖެ އެވެ.
ނަސްރުގެ ދުވަހުގެ މުނާސަބަތުގައި އެމްއެންޑީއެފްގެ އަސްކަރީ ހުށަހެޅުންތައް ދައްކާލަން ޖުމްހޫރީ މައިދާނުގައި ބޭއްވި ރަސްމިއްޔާތުގައި ހިލްމީ ވިދާޅުވީ މި ފަދަ ދުވަހެއްގައި ލިބިވަޑައިގަންނަވާ އެންމެ ބޮޑު އުފަލަކީ ސިފައިންގެ އެންމެ މަތީ ވެރިޔާ އަކީ ރާއްޖޭގެ މިނިވަންކަން ދިފާއުކުރަން، ދިވެހި އަސްކަރިއްޔާ އިތުރު ހަރުފަތަކަށް ގެންދަވާ އަދި ފުރަތަމަ އަހަރުގައި ވެސް އަސްކަރިއްޔާ ތަރައްގީކުރުމުގައި ނަތީޖާތަކެއް ހާސިލްކޮށްދެއްވާފައިވާ ބޭފުޅަކަށްވުން ކަމަށެވެ.
އޭނާ ވިދާޅުވީ އަސްކަރިއްޔާގެ ވައިގެ ގާބިލްކަން އިތުރުކުރަން މި ސަރުކާރުގެ ކުރީކޮޅު މުހިއްމު ކަންތައްތަކެއް ކޮށް، ކަނޑުއަޑީގެ ހާއްސަ އޮޕަރޭޝަންތައް ހިންގަން ވަކި ފޯސްއެއް މިއަދު ތައާރަފުކޮށްފައިވާ ކަމަށެވެ.
އެމްއެންޑީއެފުން މިއަދު ބޭއްވި ޑްރިލްގައި، އޮޕަރޭޝަނެއް ހިންގާ ގޮތް ދައްކާލަނީ.-- ފޮޓޯ: އެމްއެންޑީއެފް
ހިލްމީ ވިދާޅުވީ މީގެ 36 އަހަރު ކުރިން، ނޮވެމްބަރު 3، 1988 ގައި ހަމަލާތައް ދޭން ފެށިއިރު އޭނާ ހުންނެވީ، ޕްރައިވެޓްގެ ރޭންކުގައި ސިފައިންގެ ލޯންޗުގެ ފަޅުވެރިއަކަށް ކަމަށެވެ. އޭރު ހިދުމަތާ ގުޅިވަޑައިގެންނެވިތާ އަހަރެއް ވެސް ނުވެ އެވެ.
ބަންޑާރަ ކޮއްޓަށް ހަމަލާދެމުން ދިޔަ ވަގުތުގެ ހަނދާންތައް އަދި ވެސް ނުފިލާ ކަމަށާއި ރާއްޖޭގެ މިނިވަންކަން ދިފާއުކުރަން ކުރި ހަނގުރާމަ ހަނދާނަށް އަންނަ ކަމަށް އޭނާ ވިދާޅުވި އެވެ.
ރާއްޖެއަށް ނަސްރު ލިބުނު ދުވަހުގެ ބަތަލް، ޝަހީދު ހުސެއިން އާދަމްގެ ހަނދާންތައް އާކުރައްވަމުން ހިލްމީ ވިދާޅުވީ ރާއްޖޭގެ މިނިވަންކަމާއި އިސްލާމް ދީނަށް ނަސްރު ހޯދައިދިނުމަށް ހަމަލާދެނިކޮށް 20 އަހަރުގެ ޒުވާނާ އެ ދުވަހު ޝަހީދުވީ ހަމަލާދޭން ފެށިތާ ވިއްސަކަށް މިނެޓު ފަހުން ކަމަށެވެ.
ހިލްމީ ވިދާޅުވީ އެއީ ސިފައިންގެ ކޮންމެ މީހެއްގެ އަޒުމް ކަމުގައި ހަދަންޖެހޭ ކަމަށެވެ.
"މިއީ ގައުމު ދިފާއު ކުރުމުގައި މިއަދު އަޅުގަނޑުމެން، ކޮންމެ ސިފައިންގެ މީހަކު ވެސް އަޒުމް، އަޅުގަނޑުމެން ކޮންމެ ސިފައިންގެ މީހެއްގެ ވެސް ހިތްވަރު. މާތްﷲ އިރާދަފުޅާ އެކު އަޅުގަނޑުމެން ދިވެހި ސިފައިން މި ތިބީ މި ގައުމުގެ މިނިވަންކަން ދިފާއުކުރުމުގައި ސާބިތުވެ،"
ހިލްމީ ވަނީ ސިފައިން ކޮށްފައިވާ ހުވަޔާ އެއްގޮތަށް ސާބިތުކަންމަތީ ތިބިކަން ރައީސަށް ވަނީ އަރުވައިފަ އެވެ.
"ދިވެހި ރައްޔިތުންނަށް މި އަރުވާ ޔަގީންކަމަކީ، ދިވެހިރާއްޖޭގެ މިނިވަންކަން ދިފާއުކުރުމުގައި އަޅުގަނޑުމެން ދިވެހި ސިފައިން މި ތިބީ ފުރާނައިން ގުރުބާންވާން ތައްޔާރަށް."
ޝަހީދުންގެ އާއިލާތަކަށް އެލަވަންސާއި ބޯހިޔާވަހިކަން
ސިފައިންގެ އާ ޗީފަކަށް ހިލްމީ، ވައިސް އަކަށް ގިޔާސް
ވައިސް ޗީފް އޮފް ޑިފެންސް ފޯސްގެ މަގާމަށް ހިލްމީ
ނޮވެމްބަރު ތިނެއް، ނަޝީދުގެ ތައުރީފު ސިފައިންނަށް
ޓެރަރިޒަމާ ދެކޮޅަށް ސަރުކާރުން ކުރަނީ ކޮން ކަމެއް؟
ވަފާތެރި ލަޝްކަރެއް އޮތްކަން ދައްކަންވީ ވަގުތު ޖެހިއްޖެ
ނަތީޖާ ދަށް ދަރިވަރުން ޕޮލިހާއި ސިފައިންގެއަށް ވައްދަނީ
ކަމެއް ވީހެން ވެސް ހީނުވޭ، މާލޭ ފުރެންދެން ކެމިކަލް!
ފަސޭހައިން ރޯވާ ގޮތަށް ހުރި 399 އިމާރާތް ފާސްކޮށްފި
ނުރައްކާތެރި ކެމިކަލް ގެންގުޅޭ 206 ތަނެއް މާލޭގައި!