ގާނޫނުއަސާސީ އަށް އިއްޔެ ގެނައީ ރާއްޖޭގެ މިނިވަންކަމާއި ސިޔާދަތު ހިމާޔަތް ކުރަން އަދި ހަމަޖެހުން ގާއިމް ކުރަން ވަރަށް މުހިންމު އިސްލާހުތަކެއް ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.
ގާނޫނުއަސާސީ އަށް އިއްޔެ ގެނައީ ރާއްޖޭގެ މިނިވަންކަމާއި ސިޔާދަތު ހިމާޔަތް ކުރަން އަދި ހަމަޖެހުން ގާއިމް ކުރަން ވަރަށް މުހިންމު އިސްލާހުތަކެއް ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.
ގާނޫނުއަސާސީ އަށް ގެނައި އިސްލާހުތައް ތަސްދީގު ކުރެއްވުމަށް ފަހު އާންމު ކުރެއްވި ވީޑިއޯ މެސެޖެއްގައި އެ މަނިކުފާނު ވިދާޅުވީ، ރާއްޖޭގެ ކަނޑުގެ ސަރަހައްދަށް ބަދަލެއް ގެންނަ ނަމަ އެކަން ރައްޔިތުންގެ މަޖިލިހުން ފާސްކުރަން ޖެހެނީ ތިންބައި ކުޅަ ދެބައިގެ އަޣުލަބިއްޔަތުން ކަމަށް ވިޔަސް މިހާރު އެކަން އިތުރަށް ވަރުގަދަ ކޮށްފައިވާ ކަމަށެވެ.
ރައީސް ވިދާޅުވިގޮތުގައި ގާނޫނުއަސާސީ އަށް އިއްޔެ ގެނައި އިސްލާހާ އެކު، ރާއްޖޭގެ ސަރަހައްދަށް ބަދަލެއް ގެނެވޭނީ ރައްޔިތުންގެ މަޖިިލިހުގެ ހަތަރުބައިކުޅަ ތިންބައިގެ އަޣުލަބިއްޔަތުންނެވެ.
"އަދި އޭގެ އިތުރަށް ސަރަހައްދަކީ ކޮބައިކަން ވެސް ކުރީގައި އޮންނަނީ ރާއްޖޭގެ ބޭރު ކަނޑާ ހަމައަށް. އެކަމަކު ގާނޫނުއަސާސީ އަށް މިއަދު މި ގެނައި ބަދަލަކީ ބޭރު ކަނޑުން ބޭރަށް ހާއްސަ އިގުތިސާދީ ސަރަހައްދު، އީއީޒެޑްގެ ބައުންޑަރީ. އެހެންވީމާ އީއީޒެޑް ވެސް ހިމެނޭ ގޮތަށް ރާއްޖޭގެ ސަރަހައްދު މި ކަނޑައެޅީ،" ރައީސް ވިދާޅުވި އެވެ.
އެ މަނިކުފާނު ވިދާޅުވީ، ރާއްޖޭގެ ސަރަަހައްދަށް ބަދަލު ގެންނަ ނަމަ ރައްޔިތުންގެ މަޖިލިހުގެ ހަތަރުބައިކުޅަ ތިންބައިގެ އަޣުލަބިއްޔަތުން ފާސްކުރުމަށް ފަހު ވެސް ރައްޔިތުންގެ ފެންނަ ނުފެންނަ ވޯޓަކަށް ދާން ޖެހޭނެ ކަމަށެވެ.
"އެހެންވީމާ އެއީ ވަރަށް މުހިންމު ބަދަލެއް ރައްޔިތުންގެ ހައްގުގައި، ގައުމުގެ މިނިވަންކަމާއި ސިޔާދަތު ހިމާޔަތް ކުރުމަށް މިއަދު މި ގެނައި އިސްލާހަކީ،" ރައީސް މުއިއްޒު ވިދާޅުވި އެވެ.
ރާއްޖޭގައި ބޭރުގެ ސިފައިން ތިބުމާ ގުޅޭ ގޮތުން ގާނޫނުއަސާސީ އަށް ގެނައި އިސްލާހާ ގުޅޭ ގޮތުން އެ މަނިކުފާނު ވިދާޅުވީ، މީގެ ކުރިން ނަމަ ރައްޔިތުންގެ މަޖިލިހުން ފާސްކުރަން ޖެހެނީ ރާއްޖޭގައި އަސްކަރީ މަރުކަޒެއް ހަދާ ނަމަ އެކަނި ކަމަށެވެ.
ގާނޫނުއަސާސީ އަށް އިއްޔެ ގެނައި އިސްލާހުތަކަށް ފަހު ރައްޔިތުންގެ މަޖިލިހުގެ ބައެއް މެމްބަރުންނާ އެކު ރައީސް މުއިއްޒު މުލީއާގޭގައި.
އެކަމަކު، ތަމްރީނުތަކުގެ ބޭނުމަށް ފިޔަވައި އެހެން އެއްވެސް ކަމެއްގައި ބޭރުގެ ސިފައިންނަށް ދެން ރާއްޖޭގައި އުޅެވޭނީ ރައްޔިތުންގެ މަޖިލިހުން ފާސްކޮށްގެން ކަން ރައީސް ފާހަގަކުރެއްވި އެވެ. އެއީ ވެސް ގާނޫނުއަސާސީ އަށް އިއްޔެ ގެނައި ބަދަލުގެ ނަތީޖާ ކަމަށް ވިދާޅުވި އެވެ.
ރައްޔިތުންގެ ރިފަރެންޑަމަށް ދާން މިހާރު އޮންނަ މާއްދާ އަށް ރައްޔިތުންގެ މަޖިލިހުން ކުރިން ބަދަލު ގެނެވޭ ގޮތަށް ކަނޑައަޅާފައި ވިޔަސް އެ މަނިކުފާނު ވިދާޅުވީ، ގާނޫނުއަސާސީ އަށް އިއްޔެ ގެނައި ބަދަލާ އެކު އެ ދޮރު ބަންދުވެފައިވާ ކަމަށެވެ.
"އެ މާއްދާ ބަދަލުކުރަން ވެސް ޖެހޭނީ ރައްޔިތުންގެ ފެންނަނުފެންނަ ވޯޓެއް ނަގައިގެން ފާސްވެއްޖިއްޔާއޭ. އެހެންވީމާ އެއީ ވެސް ވަރަށް މުހިންމު ނިންމުމެއް،" ރައީސް ވިދާޅުވި އެވެ.
މިއަދު ރައްޔިތުންގެ މަޖިލީހުން ފާސްކޮށް ޤާނޫނު އަސާސީއަށް ގެނައި އިޞްލާޙުތަކަކީ ރާއްޖޭގެ ރައްޔިތުންގެ ޙައްޤުގައި، ރާއްޖޭގެ މިނިވަންކަމާ، ސިޔާދަތާ، ތަރައްޤީއާ، ހަމަޖެހުމަށްޓަކައި، ނުހަނު ޖޯޝާއެކު ޤައުމީ ރޫޙުގައި ނިންމެވި ވަރަށް މުހިންމު ނިންމެވުންތަކެއް. މިކަމަށްޓަކައި… pic.twitter.com/k9JJO2amh1
— The President's Office (@presidencymv) November 20, 2024
ގާނޫނުއަސާސީ އަށް އިއްޔެ ގެނައި އެންމެ މުހިންމު އެއް ބަދަލަކީ ރައްޔިތުންގެ މަޖިލީހުގެ މެންބަރަކު ތަމްސީލު ކުރައްވާ ސިޔާސީ ޕާޓީ ބަދަލުކޮށްފި ނަމަ ނުވަތަ އެ ޕާޓީން ވަކިކޮށްފި ނަމަ މެންބަރަކު ކަން ގެއްލޭ ގޮތަށް ހެދުމެވެ.
ރައީސް މުއިއްޒު ވިދާޅުވި ގޮތުގައި ގައުމުގެ ހަމަޖެހުމަށް އެއީ ވަރަށް މުހިންމު އިސްލާހެކެވެ.
ރާއްޖޭގެ 20 އަހަރުގެ މާސްޓަޕްލޭނެއް ހެދުމަކީ އެ މަނިކުފާނުގެ އެންމެ އިސް ވައުދުތަކުގެ ތެރޭގައި ހިމެނޭ ކަމަކަށް ވާއިރު، އެކަމަށް ވެސް ގާނޫނުއަސާސީން ބާރު ދޭ ގޮތަށް އިއްޔެ ފާސްކުރި އެވެ. އެއީ ރާއްޖޭގެ ކުރު އަދި މެދުރާސްތާގެ ޕްލޭން ހެދުމަކީ ވެސް ރައީސުލްޖުމްހޫރިއްޔާގެ ޒިންމާތަކުގެ ތެރޭގައި ހިމެނޭ ކަމެއް ކަމަށް ގާނޫނުއަސާސީގައި ބަޔާން ކުރުމެވެ.
ރައީސް ތަކުރާރުކޮށް ވިދާޅުވީ، އެ ހުރިހާ ކަމަކީ ވެސް ރާއްޖޭގެ ތަރައްގީ އާއި މިނިވަންކަމާއި ހަމަޖެހުމަށްޓަކައި ނިންމި ނިންމުންތަކެއް ކަމަށެވެ. އަދި އެއީ ރައްޔިތުންގެ މަޖިލިހުގެ މެމްބަރުން ގައުމީ ޖޯޝުގައި ނިންމި މުހިންމު ނިންމުންތަކެއް ކަމަށް އެ މަނިކުފާނު ވިދާޅުވި އެވެ.
"އެހެންވީމާ އެކަމަށްޓަކައި ރައްޔިތުންގެ މަޖިލިހުގެ އިއްޒަތްތެރި މެމްބަރުންނަށް ޝުކުރު ދަންނަވާ ހާލަތު ދިވެހިރާއްޖޭގެ އެންމެހައި ލޮބުވެތި ރައްޔިތުންނަށް މަރުހަބާ ދަންނަވަން،" ރައީސް މުއިއްޒު ވިދާޅުވި އެވެ.
ދެ އިންތިހާބު އެއްކޮށްލުމާއެކު، މުހިންމު ބިލުތަކެއް!
"ފާސްކުރީ ރައްޔިތުންގެ އަތަށް ބާރުލިބޭ އިސްލާހުތަކެއް"
ގާނޫނުއަސާސީއަށް ގެނައި ބަދަލަށް ޖަމްއިއްޔާތައް ދެކޮޅު
ޕާޓީ ބަދަލުކުރުމުން ގޮނޑި ގެއްލޭ ބިލް ތަސްދީގުކޮށްފި
ގޮނޑި ގެއްލޭ އިސްލާހު ސައްހަކަމަށް ކަނޑައަޅަން އެދެފި
ސުޕްރީމް ކޯޓަށް ނުފޫޒު ފޯރުވުން ހުއްޓާލާ: އިބޫ
ވަގުތީއަމުރާ މެދު ގޮތް ނިންމާ އަޑުއެހުން ކެންސަލްކޮށްފި
ވިޕާހިލާފުވި ޕީއެންސީގެ މެންބަރުންނަށް ފިޔަވަޅު އަޅަނީ
ކޯޓު ޕެކިން: ރާއްޖޭގެ ސިޔާސީ ސަގާފަތަކަށް!
ރައީސާއި އަބްދުއްރަހީމް ބައްދަލުކުރައްވައިފި