ޣައްޒާ "ހުސްކުރަން" ޓްރަމްޕް ސީސީއަށް ގުޅުއްވި ވާހަކަ ދޮގުކޮށްފި

ފަލަސްތީނުގެ ޣައްޒާގެ ރައްޔިތުން އެތަނުން ނެރެ ހުސްކުރަންވީ ކަމަށް ވިދާޅުވެ އެމެރިކާގެ ރައީސް ޑޮނަލްޑް ޓްރަޕްމް ދެއްކި ވާހަކާގައި، އެކަމާ ގުޅޭ ގޮތުން މިސްރުގެ ރައީސް އަބްދުލްފައްތާހް އައް ސީސީއަށް ގުޅުއްވާނެ ކަމަށް ވިދާޅުވެ އެ މުއާމަލާތް ހިނގާފައިވާ ކަމަށް ބުނާ ވާހަކަ މިސްރުން ދޮގުކޮށްފި އެވެ.

"މިސްރާއި އެމެރިކާގެ ރައީސުން ފޯނުން ވާހަކަ ދެއްކެވި ކަމަށް ބައެއް މީޑިއާތަކުން ރިޕޯޓްކުރި ވާހަކަތައް ރަސްމީ އިސް ފަރާތަކުން ދޮގުކުރި،" އެފަދަ އެއްވެސް މުއާމަލާތެއް ކޮށްފި ނަމަ ހާމަކުރާނެކަން ފާހަގަކޮށް މިސްރުގެ ސްޓޭޓް އިންފޮމޭޝަން ސާވިސް އިން ބުންޏެވެ.

މިދިޔަ ހޮނިހިރު ދުވަހު ޓްރަމްޕް ވަނީ ޣައްޒާ "ސާފުކުރުމުގެ" ޕްލޭނެއް ގެންގުޅުއްވާ ކަމަށް ވިދާޅުވެ، މިސްރުގެ އިތުރުން އުރުދުން އަށް ވެސް ޣައްޒާ މީހުން ގެންދަން ބޭނުންވާ ކަމަށް ވިދާޅުވެފަ އެވެ.

އާދީއްތަ ދުވަހު ސީސީއާ ވާހަކަ ދައްކަވާނެ ކަމަށް ޓްރަމްޕް ވިދާޅުވި ނަމަވެސް އެއްވެސް ގައުމަކުން އެކަމާ ބެހޭ ގޮތުން ފަހުން ވާހަކައެއް ނުދައްކަ އެވެ.

ހޯމަ ދުވަހު ޓްރަމްޕް ވަނީ ސީސީއާ ވާހަކަ ދައްކަވާފައިވާ ކަމަށާއި "ޣައްޒާގެ ބައެއް މީހުން މިސްރަށް ގެންދާނެ ކަމަށް އުންމީދުކުރައްވާ" ކަމަށް ވިދާޅުވެފަ އެވެ.

މިސްރުގެ ފޮރިން މިނިސްޓްރީން އާދީއްތަ ދުވަހު ނެރުނު ބަޔާނެއްގައި ބުނެފައިވަނީ "ވަގުތީ ގޮތުން ވިޔަސް ނުވަތަ ދިގު މުއްދަތަކަށް ވިޔަސް" ފަލަސްތީނު ރައްޔިތުންނަށް އެ މީހުންގެ އަމިއްލަ ބިމުގެ ހައްގުތައް ގެއްލޭ ކަމެއް ނުކުރެވޭނެ ކަމަށެވެ.

މިސްރަކީ ސަރަހައްދުގައި އިޒްރޭލު ފިޔަވައި އެމެރިކާގެ އެންމެ ގާތް ބައިވެރިޔާ ކަމަށް ވާއިރު، މި ހަފުތާގައި ޓްރަމްޕް ބޭރުގެ އެހީ ހިފެހެއްޓި އިރު އިސްތިސްނާކޮށްފައިވާ ހަމައެކަނި ގައުމަކީ ލުޔެއް ލިބުނު ހަމައެކަނި ގައުމަކީ މިސްރެވެ.