ބާބާ ގާޑިޔާގެ ޝަވަރުމާ، ދިރާގު ޕޭ އިން 1ރ. އަށް!

ދިރާގު ފިންޓެކް އިން ދިރާގުޕޭ ކަސްޓަމަރުންނަށް އެންމެ ރުފިޔާއަކަށް ޝަވަރުމާއެއް ލިބޭ ޕްރޮމޯޝަނެއް އިއުލާނުކޮށްފި އެވެ.

މި ހާއްސަ ޕްރޮމޯޝަންގެ ދަށުން މި ފަހަރު އޮފާ ހުށަހަޅާފައި ވަނީ ރާއްޖޭގެ މަޝްހޫރު ބާބާ ގާޑިޔާއިން ވިއްކާ ޝަވަރުމާއަށެވެ.

މި ޕްރޮމޯޝަން ކުރިއަށް ދާނީ އަންނަ ހުކުރު ދުވަހު ހަވީރު 4 އިން 6 އަށް އަދި ރޭގަނޑު 8 އިން 10 އަށް ސޯޝަލް ސެންޓަރުގެ ބޭރު ސަރަހައްދުގަ އެވެ. އެ ވަގުތުތަކުގައި ދިރާގުޕޭ މެދުވެރިކޮށް އެންމެ ރުފިޔާއަކަށް ޝަވަރުމާ ލިބޭނެ އެވެ.

ދިރާގުޕޭގެ މިހާރުގެ ކަސްޓަމަރުންނަށް ވެސް، އަދި ދިރާގުޕޭ މުޅިން އަލަށް ބޭނުންކުރާ ކަސްޓަމަރުންނަށް ވެސް ދިރާގުޕޭ އެޕް ޑައުންލޯޑްކޮށް ރަޖިސްޓަރީކޮށްގެން މި ޕްރޮމޯޝަންގައި ބައިވެރިވެވޭނެ އެވެ.

ދިރާގުން މިދިޔަ މަހު ވަނީ ދިރާގުޕޭގެ ކަސްޓަމަރުންނަށް ވަނީ 1 ރުފިޔާއަށް ކޮފީ ލިބޭ އޮފާއެއް ވެސް ދީފަ އެވެ.

ދިރާގު ފިންޓެކުން އަންނަނީ ރާއްޖޭގެ އެކި ކަންކޮޅުތަކުގައި ތިބި ދިރާގު ޕޭގެ މާޗަންޓުންނާ ގުޅިގެން ކަސްޓަމަރުންނާ ހަމައަށް ތަފާތު އޮފާތައް ގެނެސްދިނުމަށް މަސައްކަތް ކުރަމުންނެވެ. ދިރާގު ފިންޓެކުން ދޭ އޮފާތައް ދިރާގު ޕޭއަށް ރަޖިސްޓްރީކޮށްގެން ލިބޭނެ އެވެ. ދިރާގު ޕޭއަށް ރާއްޖޭގެ ކޮންމެ ސާވިސް ޕްރޮވައިޑާއެއްގެ ނަމްބަރެއް ގެންގުޅޭ ފަރާތަކަށް ވެސް ރަޖިސްޓްރީ ކުރެވޭނެ އެވެ.