22 ޖޫން 2017
ވީޑިޔޯ ގޭމް ހާޑްވެއާ ވުޖޫދަށް އައި އިރު ބާޒާރުގައި އެންމެ ކުރީ ސަފުގައި އުޅުނު "އަޓާރީ" އިން 20 އަހަރު ފަހުން ގޭމް ކޮންސޯލެއް ނެރެން ތައްޔާރު ވަމުން އަންނަ ކަމަށް އެ ކުންފުނިން ބުނެފި އެވެ.
ވީޑިޔޯ ގޭމް ހާޑްވެއާ ވުޖޫދަށް އައި އިރު ބާޒާރުގައި އެންމެ ކުރީ ސަފުގައި އުޅުނު "އަޓާރީ" އިން 20 އަހަރު ފަހުން ގޭމް ކޮންސޯލެއް ނެރެން ތައްޔާރު ވަމުން އަންނަ ކަމަށް އެ ކުންފުނިން ބުނެފި އެވެ.
"އަޓާރީބޮކްސް" ފަރުމާކުރުމުގެ މަސައްކަތް މިހާރު ކުރިއަށްދާ ކަމަށް އަޓާރީގެ ސިއީއޯ ފްރެޑް ޗެސްނާއިސް ބުންޏެވެ. އެކަމު އެ ކޮންސޯލް ބާޒާރަށް ނެރޭނެ ދުވަހެއް އަދި އިއުލާނެއް ނުކުރެ އެވެ.
އަޓާރީ ކުންފުނިން 1972 ވަނަ އަހަރު "އަޓާރީ 2600" ގޭމް ކޮންސޯލު އުފައްދައި ތާރީހުގެ ތެރެއަށް ވަނެވެ. އެއީ ފާހަގަކޮށްލެވޭ ހާއްސަ ކޮންސޯލެކެވެ. އެއަށް ފަހު އެކި ކޮންސޯލްތައް ބާޒާރަށް ނެރެމުން ގޮސް 1993 ގެ "އަޓާރީ ޖަގުއާ" ކޮންސޯލަކީ އެ ކުންފުނިން ނެރުނު އެންމެ ފަހު ކޮންސޯލެވެ. މި ކުންފުނިން 80 ގެ އަހަރު ތަކުގައި ވަނީ މަގްބޫލުކަން ހޯދި މަޝްހޫރު ގިނަ އާކޭޑް ގޭމުތައް ވެސް ފަރުމާކޮށްފަ އެވެ.
ވާދަވެރިކަން އިތުރުވެ، ކޮމްޕިއުޓަރުގެ ޓެކްނޮލޮޖީ ފުރިހަމަ ވެގެން އެ ޒަމާނުގެ ގިނަ ގޭމު ކުންފުނިތައް ފަނޑުވެގެން ދިޔަ އެވެ. މި ޒަމާނުގައި ގޭމް ކޮންސޯލް ވިއްކުމަށް އެންމެ ވަރުގަދައީ ސޮނީ، މައިކްރޮސޮފްޓް، އަދި ނިންޓެންޑޯ އެވެ. ގޭމް ސިނާއަތުގެ މާހިރުން ބުނަނީ މިހާރު ބާޒާރުގައި ލިބެން ހުރި އެކި ވައްތަރުގެ ޓެކްނޮލޮޖީތަކާއި ކޮންސޯލް ތަކަށް ބަލާލައި އިރު، އަޓާރީ އިން ވާދަވެރި އުފެއްދުމެއް އިޖާދުކުރުން ވަރަށް ނާދިރު ކަމަށެވެ.
އަޓާރީން ގޭމް ކޮންސޯލް ބާޒާރަށް ނެރުމުން ނާކާމިޔާބު ވާނޭ ކަމަށް މާހިރުން ބުނާ އެންމެ ބޮޑު ސަބަބަކީ ސާސްކަފު ފެށުން އިރު އިހުގެ ބޮޑެތި ގޭމް ހާޑްވެއާ ބްރޭންޑުތަކުން ބާޒާރުން ނުކުމެގެން ގޮސްފައިވާ ގޮތެވެ. އޭގެ އެއް މިސާލަކީ ސެގާ އެވެ. އެ ކުންފުނިން 2001 ގައި ނެރުނު ސެގާގެ އެންމެ ފަހު ގޭމް ކޮންސޯލް "ޑްރީމްކާސްޓް" އާ އެކީ އެ ކުންފުނިން އެ ވިޔަފާރި ދޫ ކޮށްލި އެވެ.
އިހުގެ ގޭމް ކޮންސޯލްތައް ބީވެގެން ދިޔުމުގެ އެންމެ ބޮޑު ސަބަބަކީ ފޯނާއި ކޮމްޕިއުޓަރުގެ ޓެކްނޮލޮޖީތައް ކުރިއެރުމެވެ.
އުރީދޫ ނޭޝަން އީއޭއެފްސީ ސީރީޒް ނިންމާލައިފި
"ޕްލޭލިންކް" ފީޗާއިން ފޯނުން ޕީއެސް ގޭމް ކުޅެވޭ
ބެޓްލްފީލްޑުގެ އާ ގޭމެއް މިއަހަރަކު ނުނެރޭނެ
އީ-3 ގޭންމިން އެކްސްޕޯގައި އާ ގޭމުތަކުގެ ފޯރިގަދަ
ވީޑިއޯ ގޭމްގެ ފައިދާ 100 ބިލިއަނުން މައްޗަށް
އޮފީސްތަކުގެ އީސްޕޯޓްސް މުބާރާތަށް ހޫނު ތަރުހީބެއް!
ވާދަވެރި ފިނާލޭއަކުން މޮޅުވީ ގަތަރުގެ ޓީމް
އުރީދޫން އޮފީސްތަކަށް ގޭމިން މުބާރާތެއް ބާއްވަނީ
ގޭމަރުންނަށް "ދިރާގު ގޭމާސް ގިލްޑް" ޕްލެޓްފޯމެއް
އެޕެކްސް ލެޖެންޑްސް ސީރީޒްގެ ފުރުސަތު