ހައުސިންގެ ސްޓޭޓް މިނިސްޓަރު ހަބީބް މަގާމުން ވަކިކޮށްފި

ހައުސިން މިނިސްޓްރީގެ ސްޓޭޓް މިނިސްޓަރުގެ މަގާމުގައި ހުންނެވި އަހުމަދު ހަބީބު އެ މަގާމުން މިއަދު ވަކިކޮށްފި އެވެ.

ރައީސް އޮފީހުން ބުނީ ގދ. ތިނަދޫ، ޝިފާ، ހަބީބު އެ މަގާމުން މިއަދު ވަކި ކުރައްވާފައިވާ ކަމަށެވެ.

ހަބީބަކީ ތިނަދޫ ދެކުނު ދާއިރާގެ މަޖިލިސް މެމްބަރު އަބްދުﷲ އަހުމަދު (އަބުޅޯ) އަށް އެ ގޮނޑި ކާމިޔާބު ކޮށްދެއްވުމުގައި އިސް ދައުރެއް އަދާކުރެއްވި ބޭފުޅެކެވެ. އަބުޅޯ ވެސް ގެންދަވަނީ ސަރުކާރާ ދެކޮޅަށް މަސައްކަތް ކުރައްވަމުންނެވެ.

ހައުސިން މިނިސްޓްރީގައި މިހާރު ތިއްބަވާނީ ތިން ސްޓޭޓް މިނިސްޓަރުންނެވެ.