29 ޖޫން 2016
ބީނޯސް އޭރީޒް، އާޖެންޓީނާ (ޖޫން 29) - އާޖެންޓީނާ ގައުމީ ޓީމަށް ކުޅެން ހުއްޓާލަން ލިއޮނަލް މެސީ ނިންމާފައިވާ ނިންމުން ބަދަލުކުރަން އާޖެންޓީނާގެ ރައީސް މައުރީސިއޯ މަސްރީ އާއި ކުރީގެ ފުޓްބޯޅަ ތަރި ޑިއެގޯ މަރަޑޯނާ އެދިއްޖެ އެވެ.
ބީނޯސް އޭރީޒް، އާޖެންޓީނާ (ޖޫން 29) - އާޖެންޓީނާ ގައުމީ ޓީމަށް ކުޅެން ހުއްޓާލަން ލިއޮނަލް މެސީ ނިންމާފައިވާ ނިންމުން ބަދަލުކުރަން އާޖެންޓީނާގެ ރައީސް މައުރީސިއޯ މަސްރީ އާއި ކުރީގެ ފުޓްބޯޅަ ތަރި ޑިއެގޯ މަރަޑޯނާ އެދިއްޖެ އެވެ.
ކޮޕަ އެމެރިކާގެ ފައިނަލުން އާދީއްތަ ދުވަހު ޗިލީ އަތުން ބަލިވި މެޗަށް ފަހު މެސީ ވަނީ ގައުމީ ޓީމަށް ކުޅުން ހުއްޓާލިކަން އިއުލާންކޮށްފަ އެވެ. އުމުރުން 29 އަހަރުގެ މެސީ މާޔޫސްވީ ގައުމީ ޓީމާ އެކު ތަށްޓެއް ހޯދަން ޖެހިޖެހިގެން ތިން އަހަރު ލިބުނު ފުރުސަތު ގެއްލުމުންނެވެ.
"މެސީ އެބަޖެހޭ ޓީމުގައި މަޑުކުރަން. އޭނާ 2018 ވަނަ އަހަރުގެ ވޯލްޑް ކަޕާ ކުރިމަތިލާނީ ދުނިޔޭގެ ޗެމްޕިއަނަކަން ވާން ފުރާފުރިހަމަވެ ހުރެ،" އާޖެންޓީނާ އަށް 1986 ވަނަ އަހަރުގެ ވޯލްޑް ކަޕް ކާމިޔާބުކޮށްދިން ކެޕްޓަން މަރަޑޯނާ ބުންޏެވެ.
އާޖެންޓީނާގެ ރައީސް މައުރީސިއޯ މަސްރީ ވިދާޅުވީ މެސީ އަށް ފޯންކޯލެއް ކުރެއްވި ކަމަށާއި ގައުމީ ޓީމާ މެދު ފަހުރުވެރިވާ ކަމަށް ބުނެފައިވާ ކަމަށެވެ. އަދި ފާޑުކިޔުންތައް އަޑުނޭހުމަށް މެސީ ގާތު އެދިފައިވާ ކަމަށް ރައީސް ވިދާޅުވި އެވެ.
"އަންނަ ހަފުތާގައި މެސީއާ ބައްދަލުކޮށް އޭނާ އަށް ވިސްނައިދޭނަން،" ރައީސް ވިދާޅުވި އެވެ.
އާޖެންޓީނާއާ އެކު އޭނާ އަށް ހޯދުނު ކާމިޔާބީތަކަކީ 2005 ވަނަ އަހަރުގެ ޔޫތު ވޯލްޑް ކަޕް ކާމިޔާބުކުރުމާއި 2008 ވަނަ އަހަރުގެ އޮލިމްޕިކްސް ރަން މެޑަލް ހާސިލްކުރުމެވެ. އެކަމަކު ސީނިއާ ޓީމާ އެކު ބޮޑު ކާމިޔާބެއް ހޯދިފައެއް ނުވެ އެވެ. އޭނާ އަށް 2006 ވަނަ އަހަރުގެ ވޯލްޑް ކަޕުގައި ބެންޗުން ފުރުސަތު ލިބުނުއިރު 2010 ވަނަ އަހަރުގެ ވޯލްޑް ކަޕުގައި ފުލްކޮށް ކުޅުނެވެ. އެކަމަކު އެ ފަހަރު ކުއާޓާ ފައިނަލުން ޖަރުމަން އަތުން ބަލިވެ ކެޓީ އެވެ. އޭގެ ފަހުން 2014 ވަނަ އަހަރުގެ ވޯލްޑް ކަޕުގެ ފައިނަލަށް ދަތުރުކުރި ނަމަވެސް ޖަރުމަން އަތުން އަނެއްކާވެސް ބަލިވީ އެވެ.
މެސީގެ މިފަދަ ފޮޓޯއަކަށް އާޖެންޓީނާ ކުރާ އުއްމީދު
މެސީ ނެތި އިންޓަ މަޔާމީ ލީގްސް ކަޕުން ކަޓައިފި
މެސީގެ ޖާދޫ މި ފެނުނީ ސެމީގައި، އާޖެންޓީނާ ފައިނަލަށް
މެސީއަށް ދެން ދޭނެ އިސްކަމެއް ނެތް: ހޮންކޮން އެފްއޭ
ރޮނާލްޑޯ ގޯލް ޓްރެކްގައި މެސީއަށް ކޮށްދެވުނީ އެސިސްޓެއް
ހޮންކޮންގައި ކުޅެފައިނުވާތީ މެސީ މައާފަށް އެދިއްޖެ
މެސީގެ ނުކުޅޭތީ ޗައިނާއިން އާޖެންޓީނާގެ މެޗު ކެންސަލް
މެސީގެ ދޮށީ ދަރިފުޅު ތިއާގޯ ޔޫތު ޓީމުގައި ވިދުން ގަދަ
މެސީ މިލާނަށް ގެންނަން މަސައްކަތް ކުރިން: މަލްޑިނީ
ބެލޮންޑިއޯ އެވޯޑް އަށްވަނަ ފަހަރަށް މެސީ އަށް