ވެއްޓުނު ބޯޓުގެ ތަހުގީގު ސިވިލް އޭވިއޭޝަނުން ފަށައިފި

އިއްޔެ ވެއްޓުނު މޯލްޑިވިއަންގެ ސީޕްލޭންގެ ތަހުގީގަށް އެބޯޓް ސިވިލް އޭވިއޭޝަންގެ ބެލުމުގެ ދަށަށް ގެންގޮސްފި އެވެ.

ގާތްގަނޑަކަށް ފަސް މިލިއަން ޑޮލަރުގެ މބޯޓު ވެއްޓުނީ އައި ގަދަ ކޮޅިގަނޑުގެ ތެރޭގައި ހުޅުލޭ ފަޅަށް ޖައްސަން އުޅުމުގެ ތެރޭގައި ބޯޓު އަރިއަޅާލައިގެންނެވެ.

މޯލްޑިވިއަންގެ މީޑިއާ ކޯޑިނޭޓަރު އަލީ ނަޝާތު ހަމީދު ވިދާޅުވީ އެބޯޓް މޫދުން ނަގައި މިހާރު ވަނީ ސިވިލް އޭވިއޭޝަންގެ ބެލުމުގެ ދަށުގައި ކަމަށެވެ. ނަމަވެސް ބޯޓަށް ވެފައިވާ ގެއްލުންތަކުގެ ތަފްސީލް އަދި ނުލިބޭ ކަމަށް ވިދާޅުވި އެވެ.

"ސިވިލް އޭވިއޭޝަނުން އިންވެސްޓިގޭޝަން ނިންމީމަ އަޅުގަނޑުމެންގެ އެސެސްމަންޓްތައް ހެދޭނީ،" ނަޝާތު ވިދާޅުވި އެވެ.

ފެންނަ ފެނުމަށް ބަލާއިރު ބޯޓަށް ވަނީ ބޮޑެތި ގެއްލުންތަކެއް ލިބިފަ އެވެ.

މޯލްޑިވިއަނުން ސީޕްލޭންގެ ގޮތުގައި ބޭނުންކުރަނީ ޓްވިން އޮޓާ ބްރޭންޑުގެ ޑީއެޗްސީ ޑޭޝް 6 ސީރީޒްގެ ބޯޓުތަކެވެ. އެއީ ކްރޫންނާއި ފަސިންޖަރުންނާ އެކު 18 މީހުންގެ ޖާގައިގެ ބޯޓުތަކެވެ. މޫދަށް ޖައްސާ މި ބާވަތުގެ ބޯޓެއްގެ އަގު މާކެޓުގައި އުޅޭނީ 4.4 މިލިއަން ޑޮލަރާއި ފަސް މިލިއަން ޑޮލަރާ ދެމެދުގަ އެވެ. ނިޔާމަ ރިސޯޓުން ދަތުރުކުރި ބޯޓު ހުޅުލޭ ފަޅަށް ޖައްސަން އުޅުމުގެ ތެރޭގައި ވެއްޓުނު އިރު ބޯޓުގައި ތިބީ 18 މީހުން ތިއްބެވެ. އެއީ 15 ފަސިންޖަރުންނާއި ތިން ކްރޫންނެވެ. އެކަމަކު ހާދިސާގައި އެއްވެސް މީހަކަށް ގެއްލުމެއް ނުލިބ އެވެ.