މާބައިދޫގެ ތެޔޮގުދަނެއްގައި ރޯވެއްޖެ

ލ. މާބައިދޫގެ ތެޔޮ ގުދަނެއްގައި މިއަދު ރޯވެ އެއްކޮށް އަނދައި ހުލިވެއްޖެ އެވެ.

އެމްއެންޑީއެފުން ބުނީ މެންދުރު 12 ޖަހަން އުޅެނިކޮށް ރޯވި މި އަލިފާންގަނޑު ކޮންޓްރޯލް ކުރެވުނީ 12:40 ހާއިރު ކަމަށެވެ. އަލިފާންގަނޑު ކޮންޓްރޯލް ކުރީ ފޯމް ބޭނުންކޮށްގެން ކަމަށް ވެސް އެމްއެންޑީއެފުން ބުނެ އެވެ.

މާބައިދޫގެ "ގަރެންޓީ ފިއުލް" ގައި ރޯވި އަލިފާގަނޑު ނިއްވުމަށް އެ ރަށުގެ ގިނަ ބަޔަކު ނުކުމެ ފެނާއި ވެލި ޖެހި ނަމަވެސް އަލިފާން ކޮންޓްރޯލް ނުވެ ވަނީ ކައިރީގައި ހުރި އެހެން ފިހާރައެއްގައި ވެސް ރޯވެފަ އެވެ.