ލ. ގަމުގައި ތެޔޮ ބައުޒަރެއްގައި ރޯވެއްޖެ

ލ. ގަމުގައި ބޭނުންކުރާ ތެޔޮ ބައުޒަރެއްގައި މިއަދު ރޯވެ ބޮޑެތި ގެއްލުންތަކެއް ވެއްޖެ އެވެ.

އެމްއެންޑީއެފުން ބުނީ މިއަދު މެންދުރު ދޭއް ޖަހަން އުޅެނިކޮށް، އަލިފާން ރޯވެފައި ވަނީ ގަމު ކައުންސިލްގެ އިދާރާ ކައިރީގައި ޕާކް ކޮށްފައި އޮތް ތެޔޮ ބައުޒަރެއްގައި ކަމަށެވެ. އެ ހާދިސާގައި އެއްވެސް މީހަކަށް އަނިޔާއެއް ނުވެ އެވެ.

ތެޔޮ ބައުޒަރުގައި ރޯވި އަލިފާންގަނޑު ސިފައިން ނިއްވާލިއިރު، އެ އަށް ވަނީ ބޮޑެތި ގެއްލުންތަކެއް ވެފަ އެވެ. އެގޮތުން ޓޭންކަރުގެ ފަހަތް ހިމެނޭ ގޮތަށް ބޮޑު ބައެއް ވަނީ އަނދައިފަ އެވެ. ބޮޑަށް ބެލެވޭގޮތުގައި އަލިފާން ފުރަތަމަ ރޯވެފައި ވަނީ ވެސް ބައުޒަރުގެ ފަހަތު ބައިގަ އެވެ.

އެ އަލިފާނުގެ ހާދިސާ ހިނގަން މެދުވެރިވި ސަބަބެއް އަދި ސާފެއް ނުވެ އެވެ.

ސިފައިންނާއި ފުލުހުން ގުޅިގެން މިހާރު އަންނަނީ އެ މައްސަލަ ތަހުގީގު ކުރަމުންނެވެ.