ރާއްޖޭގައި ހިންގާ ހުރިހާ ސްކޫލެއް ރިވިއު ކުރުމުގެ މަސައްކަތް ކުރި އަށް އޮތް ތިން އަހަރުގެ ތެރޭގައި ނިންމާލެވޭނެ ކަމަށް އެޑިއުކޭޝަން މިނިސްޓްރީން މިއަދު ބުނެފި އެވެ.
13 ޖުލައި 2016
ރާއްޖޭގައި ހިންގާ ހުރިހާ ސްކޫލެއް ރިވިއު ކުރުމުގެ މަސައްކަތް ކުރި އަށް އޮތް ތިން އަހަރުގެ ތެރޭގައި ނިންމާލެވޭނެ ކަމަށް އެޑިއުކޭޝަން މިނިސްޓްރީން މިއަދު ބުނެފި އެވެ.
ސްކޫލުތައް ރިވިއުކުރަން ރާއްޖޭގެ އެކި ކަންކޮޅުތަކުން ކަނޑައެޅި ކޯޑިނޭޓަރުން ތަމްރީނުކުރުމުގެ ދެ ވަނަ ބުރު ފެށުމުގެ ރަސްމިއްޔާތުގައި ވާހަކަދައްކަވަމުން އެ މިނިސްޓްރީގެ ސްޓޭޓް މިނިސްޓަރު ޑރ. އަބްދުﷲ ނަޒީރު ވިދާޅުވީ ސްކޫލުތައް ރިވިއުކުރުމުގެ ގައުމީ އޮނިގަނޑެއް އެކުލަވާލައި އެ އަށް އަމަލުކުރަން ފަށާފައިވާ ކަމަށެވެ.
"މިހާރު"އާ ވާހަކަދައްކަވަމުން ނަޒީރު ވިދާޅުވީ ސްކޫލުތައް ރިވިއު ކުރާނީ ތިން ދަރަޖައަކަށް ބަލައިގެންނެވެ. އެއީ އާއްމު ސްކޫލުތަކުގެ އިތުރަށް އަތޮޅު ސްކޫލާއި އަތޮޅު ތައުލީމީ މަރުކަޒުގެ ދަރަޖަ ކަމަށް އޭނާ ވިދާޅުވި އެވެ.
މި ރިވިއުގައި ސްކޫލުތަކުގައި ކިޔަވައި ދެނީ ކަރިކިއުލަމްގައި ހުރި މަގުސަދުތައް ހާސިލްވާ ގޮތަށްތޯ އާއި ސްކޫލުތަކަށް ދޭ ބަޖެޓުން މާލިއްޔަތު ގާނޫނާ އެއްގޮތަށް ހަރަދު ކުރޭތޯ ބަލާނެ ކަމަށް ނަޒީރު ވިދާޅުވި އެވެ. އަދި ކިޔަވައިދޭން ބޭނުން ކުރާ ވަސީލަތްތަކާ މެދު ބެލެނިވެރިން ހިތްހަމަޖެހޭތޯ ވެސް ބަލާނެ ކަމަށް އޭނާ ވިދާޅުވި އެވެ.
"މީގެ މަގުސަދަކީ ޕްރޮފަޝަނަލްކޮށް ސްކޫލުތަކަށް ދިމާވާ މައްސަލަތަކަށް ހައްލު ހޯޯދައި ދިނުން،" ނަޒީރު ވިދާޅުވި އެވެ.
ރާއްޖޭގެ 22 ސްކޫލެއް މިހާތަނަށް ރިވިއުކޮށްފައި ވާއިރު، މި އަހަރު ތެރޭގައި އިތުރު 46 ސްކޫލެއް ރިވިއު ކުރާނެ ކަމަށް މިނިސްޓްރީން ބުންޏެވެ.
އަންނަހަފުތާގައި ހުރިހާ ދަރިވަރުން ޓެބްލެޓް ބޭނުންކުރާނެ
ފަސް މާއްދާއިން ފާސްވި އަދަދު 77 ޕަސެންޓަށް
އާ އުސޫލުގައި ގްރޭޑް 9އިން ފެށިގެން ތުނބުޅި ބެހެއްޓޭ
ޔުނިފޯމު 2027ގައި ބަދަލުވާ ގޮތުގެ ނަމޫނާ ފޮނުވައިފި
ވޮކޭޝަނަލް ތަމްރީނަށް ހާއްސަ ސްކޫލު ހުޅުވައިފި
15 އަހަރަށް ފަހު ދަރިވަރުން ކޭމްޕަށް ދާނެ ތަނެއް
"އެޗްއެސްސީ ޕޭޕަރުގެ ދޭހަ އެއްގޮތްވީ އިއްތިފާގަކުން"
އޯ ލެވެލް އިމްތިހާނުގެ ނަތީޖާ މިއަދު ދޫކުރަން ފަށަނީ
ގިނަ ކުދިންނަށް އޭލެވެލަށް ކިޔެވޭގޮތަށް އުސޫލު ހަދައިފި
ޗުއްޓީ އަށް ފަހު ދެވަނަ ޓާމުގެ ކިޔެވުން ފަށައިފި