02 ޖެނުއަރީ 2019
ރައީސް އިބްރާހީމް މުހައްމަދު ސޯލިހްގެ ސަރުކާރުން ވައުދުވެފައިވާ ގޮތަށް އައިލެންޑް އޭވިއޭޝަނުން ރާއްޖޭގެ އެތެރޭގެ އުދުހުންތަކުގެ އަގު މި މަހު 10 އިން ފެށިގެން ހެޔޮކުރަން ނިންމައި އާ އަގުތައް މިއަދު އިއުލާންކޮށްފި އެވެ.
މުހައްމަދު ނަސީމް
ރައީސް އިބްރާހީމް މުހައްމަދު ސޯލިހްގެ ސަރުކާރުން ވައުދުވެފައިވާ ގޮތަށް އައިލެންޑް އޭވިއޭޝަނުން ރާއްޖޭގެ އެތެރޭގެ އުދުހުންތަކުގެ އަގު މި މަހު 10 އިން ފެށިގެން ހެޔޮކުރަން ނިންމައި އާ އަގުތައް މިއަދު އިއުލާންކޮށްފި އެވެ.
އައިލެންޑް އޭވިއޭޝަންގެ މެނޭޖިން ޑައިރެކްޓަރު މުހައްމަދު ރިޒްވީ "މިހާރު" އަށް ވިދާޅުވީ އެތެރޭގެ ދަތުރުތަކުގެ ޓިކެޓްގެ އަގު 25 ޕަސެންޓާއި 30 ޕަސެންޓާ ދެމެދުގެ މިންވަރަކަށް ހެޔޮކޮށްފައި ވާނެ ކަމަށެވެ.
"މިސާލަކަށް އައްޑުއަށް ކުރިން ދެކޮޅު ޓިކެޓް އެންމެ ބޮޑުކޮށް ހުންނާނީ 3500 ރުފިޔާއާ ހަމައަށް. އެކަމަކު މިހާރު 2600 ރުފިޔާއަށް ވުރެ ބޮޑެއް ނުވާނެ،" ރިޒްވީ ވިދާޅުވި އެވެ.
މޯލްޑިވިއަން އޮޕަރޭޓްކުރާ ސަރުކާރުގެ ކުންފުނިން މި ގެނައި ބަދަލުތަކަށް ވަރަށް ގިނަ ބަޔަކު ތިބީ އިންތިޒާރުކޮށްގެންނެވެ. އެކަމަކު އާ އަގުތަކަށް ބަލާއިރު، ބައެއް ދަތުރުވެރިން ބުނީ، މިހާރު ޓިކެޓް ލިބެން ހުރި އަގަށް ވުރެ 25 ޕަސެންޓް ބޮޑު ނޫން ކަމަށެވެ.
We would like to bring to the attention of our customers that we will be offering an overall reduction between 25 to 30 percent on all our local sectors. The fares will be available from all our ticketing offices effective 10th January 2019.
— Maldivian (@MaldivianAero) January 2, 2019
އެގޮތުން އެއް ދަތުރުވެރިޔަކު ބުނި ގޮތުގައި ދަރަވަންދުއަށް އޭނާ މިއަދު ވެސް އެއް ކޮޅަށް ޓިކެޓް ނެގީ 599ރ އަށެވެ. އެކަމަކު އަލަށް އިއުލާންކުރި އެންމެ ހެޔޮ އަގަށް ބަލާ ނަމަ، ތިރިވެފައި އެ ވަނީ ގާތްގަނޑަކަށް 100ރ އެވެ.
އައިލެންޑް އޭވިއޭޝަނުން އިއުލާންކޮށްފައި ވަނީ އެންމެ ހެޔޮކޮށް ޓިކެޓް ލިބޭނެ އަގާއި އެންމެ ބޮޑުކޮށް ލިބޭނެ އަގެވެ. އެގޮތުން ބަލާއިރު، މިސާލަކަށް ހދ. ހަނިމާދުއަށް މިހާރު ދަތުރުކުރެވޭ ނިސްބަތުން ގާތްގަނޑަކަށް 25 ޕަސެންޓް ހެޔޮވެ އެވެ.
މިއަދު ހަނިމާދޫން މާލެއަށް އެއްކޮޅު ޓިކެޓެއް އުޅުނީ 1444ރ އަށެވެ. ދެކޮޅަށް ގާތްގަނޑަކަށް 2800ރ ވަރު ޖެހެ އެވެ. އެކަމަކު މިހާރު އިއުލާންކޮށްފައިވާ ގޮތުން ނަމަ އެންމެ އަގުބޮޑުކޮށް ވެސް މާލެ/ހަނިމާދޫގެ ރިޓާން ޓިކެޓްގެ އަގު ޖެނުއަރީ 10 އިން ފެށިގެން، އުޅޭނީ 2،226ރ ގަ އެވެ. އެންމެ އަގުހެޔޮކޮށް ބަލާ ނަމަ، އިއުލާންކޮށްފައި ވަނީ 1،610ރ އެވެ. އެ ރޭޓުގައި އެއްކޮޅަށް ޓިކެޓް ލިބެން ހުންނަ ނަމަ ޖެހޭނީ ގާތްގަނޑަކަށް 805ރ އެވެ.
މާލެ/ހަނިމާދޫ/މާލެ: 1،610-2،226ރ
މާލެ/އިފުރު/މާލެ: 1،500-2056ރ
މާލެ/ދަރަވަންދޫ/މާލެ 1098-1562ރ
މާލެ/ކުޑަހުވަދޫ/މާލެ: 1،500-2056ރ
މާލެ/ތިމަރަފުށި/މާލެ: 1،610-2،226ރ
މާލެ/ކައްދޫ/މާލެ: 1،610-2،226ރ
މާލެ/ކޫއްޑޫ/މާލެ: 1،652-2442ރ
މާލެ/ކާޑެއްދޫ/މާލެ: 1،652-2442ރ
މާލެ/ފުވައްމުލައް/މާލެ: 1،698-2،598ރ
މާލެ/ގަން/މާލެ: 1،698-2،666
ޓްރާންސްޕޯޓް މިނިސްޓަރު އައިޝަތު ނަހުލާ ދާދި ފަހުން ވިދާޅުވެފައި ވަނީ އެތެރޭގެ ވައިގެ ދަތުރުފަތުރަށް އަންނާނީ ރައްޔިތުން އުފާވާ ކަހަލަ ހެޔޮ ބަދަލެއް ކަމަށެވެ.
އަގު ހެޔޮވި މިންވަރާ މެދު އާއްމުންގެ ހުރެދާނެ ބައެއް ޝަކުވާތަކާ މެދު ރިޒްވީ ވިދާޅުވީ ރަނގަޅަށް އަޅާބަލައިފި ނަމަ އަގު ހެޔޮވި މިންވަރާ މެދު ހިތްހަމަޖެހޭނެ ކަމަށެވެ.
އޭނާ ވިދާޅުވި ގޮތުގައި ކަސްޓަމަރުންގެ ޝަކުވާތަކުގެ ތެރޭގައި އެންމެ ދަށް ރޭޓުގައި ގިނަ ފަހަރަށް ޖާގަ ނުލިބޭ ކަމުގެ ޝަކުވާ ހިމެނެ އެވެ. ނަމަވެސް އޭނާ ވިދާޅުވި ގޮތުގައި، އެ އަގުގައި ގިނަ ބަޔަކަށް ދެން ޖާގަ ލިބޭނެ ގޮތް ހަމަޖެއްސުމުގެ މަސައްކަތް ދަނީ ކުރިއަށެވެ. އެގޮތުން ކޮންމެ މަހަކު އަގުހެޔޮ ރޭންޖްގައި 15،000 ސީޓް ލިބޭ ގޮތަށް ހެދުމަކީ އަމާޒެއް ކަމަށް ވިދާޅުވި އެވެ.
"އެވަރަށް ޖާގަ ދޭ އިރު ވަރަށް ގިނަ ބޭފުޅުންނަށް އޮންނާނީ އަގުހެޔޮކޮށް ޓިކެޓް ލިބިފައި،" ރިޒްވީ ވިދާޅުވި އެވެ.
ޓިކެޓް ގަތުމުން، އަގު ހެޔޮކަން ގަބޫލުކުރެވޭނެ: ރިޒްވީ
މޯލްޑިވިއަންގެ ދަތުރުތަކުގައި ލުއި ކާނާއެއް ދޭން ފަށަނީ
ޓިކެޓް އަގަށް އަންނާނީ އުފާވާ ކަހަލަ ބަދަލެއް: އައިޝާ
ފްލައިން ސްކޫލެއް ހިންގާނެ ބަޔަކު މޯލްޑިވިއަނުން ހޯދަނީ
"ޕީޕީއެމްގެ އޮފީހުގައި މޯލްޑިވިއަންގެ ޑެސްކެއް ހިންގި"
މޯލްޑިވިއަންގެ ޓިކެޓް ރީފަންޑް އެއް ދުވަސް ތެރޭ ދެނީ
ޕައިލެޓުން އިހުތިޖާޖު ނުކުރަން ނިންމައިފި
ތިމަރަފުށީ އެއާޕޯޓަށް ރޭގަނޑުގެ ދަތުރުތައް ފަށައިފި
މާލޭގެ މަގުތަކުގެ ހާލަތު ބެއްލެވުމަށް އައިޝާ މަގުތަކަށް
މޯލްޑިވިއަން އިން އޭޓީއާރުގެ އިތުރު ދެ ބޯޓު ގެންނަނީ
