24 އޯގަސްޓް 2016
ހުޅުމާލޭގައި ހަދަމުން އަންނަ ރެޑްބުލް ޕާކްގެ މަސައްކަތް ނިންމައި އަންނަ އޮކްޓޯބަރު މަހު ހުޅުވާނެ ކަމަށް ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން އިއްޔެ ބުނެފި އެވެ.
ހުޅުމާލޭގައި ހަދަމުން އަންނަ ރެޑްބުލް ޕާކްގެ މަސައްކަތް ނިންމައި އަންނަ އޮކްޓޯބަރު މަހު ހުޅުވާނެ ކަމަށް ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން އިއްޔެ ބުނެފި އެވެ.
ޒުވާނުންނަށް އެއް ތަނެއްގައި ގިނަ ކުޅިވަރުތަކެއް ކުޅެވޭ ގޮތަށް ތަރައްގީކުރަމުން އަންނަ ޕާކުގައި ސްކޭޓް ބޯޑިން އޭރިއާއަކާއި ފުޓްސަލް ދަނޑަކާއި ބައެއް އެހެނިހެން ކުޅިވަރުތަައް ކުޅެވޭނެ ކޯޓުތައް ހަދާނެ އެވެ. އަދި ތަފާތު ކުޅިވަރު ހަފްލާތައް ބޭއްވޭނެ އިންތިޒާމު ވެސް އެތަނުގައި ހަމަޖެއްސޭނެ އެވެ.
އެޗްޑީސީގެ މެނޭޖިން ޑިރެކްޓަރު މުހައްމަދު ސައިމަން ވިދާޅުވީ ޒުވާނުން ކުޅިވަރު ކުޅޭނެ ސަރަހައްދުތަކެއް ތަރައްގީކުރުމަކީ އެޗްޑީސީގެ އަމާޒެއް ކަމަށާއި ޔޫތު ޕާކަކީ ރެޑްބުލްއާ އެކު ކުރާ ވަރަށް މުހިންމު މަސައްކަތެއް ކަމަށެވެ.
އޭނާ ވިދާޅުވި ގޮތުގައި މިހާތަނަށް އައިއިރު، ޕާކް ނުނިމި އޮތީ ސްކޭޓް ބޯޑިން އޭރިއާއަށް ބައެއް ކަހަލަ ބަދަލުތައް ގެންނާތީ އެވެ. އެ ތަން ހަދަނީ ބައިނަލްއަގުވާމީ ފެންވަރަށް ކަމަށް ވެސް އޭނާ ވިދާޅުވި އެވެ.
ރެޑްބުލް ޕާކް ތަރައްގީ ކުރަމުން އަންނަ ސަރަހައްދު. އަންނަ އޮކްޓޯބަރު މަހު މި ތަނުގެ ބޭނުން ކުރަން ފެށޭނެ - ފޮޓޯ: އެޗްޑީސީ
"ޓެކްނިކަލް ކަމެއް ދިމާވެގެން ލަސްވީ، އެއީ އިންޓަނޭޝަނަލް ބޮޑެތި އިވެންޓްތައް ބޭއްވޭ ގޮތަށް ސްކޭޓް ބޯޑިން އޭރިއާ ހަދަން ޖެހުމުން، ރާއްޖޭގައި ވެސް މުޅިން އާ ކަމެއް ވީމަ،" ސައިމަން ވިދާޅުވި އެވެ.
އޭނާ ވިދާޅުވީ ހުޅުމާލެ ފުރަތަމަ ފިޔަވަހީގެ ނެއިބާހުޑް ދޭއްގެ ޗައިނާ ފްލެޓްތައް ކައިރީގައި ތަރައްގީ ކުރަމުން އަންނަ ޕާކްގެ މަސައްކަތް ވަރަށް ހަލުވިކަމާ އެކު ކުރިއަަށް ދާ ކަމަށެވެ.
ހުޅުމާލޭގެ ފުރަތަމަ ފިޔަވަހީގައި ތަރައްގީކުރާ ގިނަ ތަންތަނުން ވަޒީފާގެ އިތުރު ފުރުސަތުތައް ފަހިވާނެ ކަމަށް ވެސް ސައިމަން ވިދާޅުވި އެވެ. އަދި ދާދި އަވަހަށް މިނީ މޯލް އާއި ސުޕާ މާކެޓާއި ސިނަމާއެއް ވެސް ހުޅުމާލޭގައި ހުޅުވާނެ ކަމަށް ވެސް ވިދާޅުވި އެވެ.
އެޗްޑީސީގައި އިއްޔެ ބޭއްވި ނޫސްވެރިންގެ ބައްދަލުވުމުގައި ސައިމަން ވާހަކަ ދައްކަވަނީ. ޕާކްގައި ސްކޭޓް ބޯޑިން އޭރިއާ ހަދަނީ ބައިނަލްއަގުވާމީ ފެންވަރަށް ކަމަށް ވިދާޅުވި.. - ފޮޓޯ: މިހާރު
ހުޅުމާލޭގައި މިހާރު ވެސް ގިނަ މަޝްރޫއުތަކެއް ކުރިއަށް އެބަ ގެންދެ އެވެ. އޭގެ ތެރޭގައި 90 މިލިއަން ޑޮލަރުގެ ޓްރީ ޓޮޕް ހޮސްޕިޓަލްގެ މަސައްކަތާއި ފްލެޓް އަޅަން އެކި ކުންފުނިތަކުން ހިންގާ މަޝްރޫއުތައް ހިމެނެ އެވެ.
ހުޅުމާލޭގައި އިތުރު އެޕާޓްމަންޓް ބިލްޑިންގްތަކެއް ހަދަނީ
ކޮފީ ޝޮޕުން ފެންނަ ދެ މިލިއަން ޑޮލަރުގެ އޮޅުވާލުން!
ސީ ލައިފްއާ ދެކޮޅަށް އެޗްޑީސީން ފިޔަވަޅު އެޅި
ސައިމަން އެޗްޑީސީން ވަކިކޮށް، ޖީއެމްއައިޒެޑް ކުންފުންޏަށް
ހުޅުމާލޭގެ ޓަވަރުތަކުގެ ޕައިލިން މަސައްކަތް ނިމިއްޖެ
25 ބުރީގެ 16 ޓަވަރުގެ ބޮޑު ބައި މިއަހަރު ނިމޭނެ
ސައިމަންގެ ކާރާއި އެޕާޓްމަންޓަށް ގެއްލުންދީފި
އައިޔޫއެމް އިން ހުޅުމާލޭގައި ވަގުފު އިމާރާތެއް އަޅަނީ
ހުޅުލެ-ހުޅުމާލެ ލިންކް ރޯޑު ހިއްކައި ނިންމައިފި
އަނދިރިކަމުގައި އޮތް ހުޅުމާލެ އަލިކުރަން ޖެހިފައި!