14 އެޕްރީލް 2019
ސްޓްރީމިން ހިދުމަތުގެ ތެރެއަށް ނުކުންނަ ކުންފުނިތައް އިތުރުވެ، ވާދަވެރިކަން ބޮޑުވެފައި ވަނިކޮށް، މަޝްހޫރު ޑިޒްނީ ކުންފުނީގެ ސްޓްރީމިން ސާވިސް އަންނަ ނޮވެމްބަރު މަހުގެ ތެރޭގައި ރަސްމީކޮށް ލޯންޗް ކުރަން ނިންމައިފި އެވެ.
އަހުމަދު އަދްޝަން
ސްޓްރީމިން ހިދުމަތުގެ ތެރެއަށް ނުކުންނަ ކުންފުނިތައް އިތުރުވެ، ވާދަވެރިކަން ބޮޑުވެފައި ވަނިކޮށް، މަޝްހޫރު ޑިޒްނީ ކުންފުނީގެ ސްޓްރީމިން ސާވިސް އަންނަ ނޮވެމްބަރު މަހުގެ ތެރޭގައި ރަސްމީކޮށް ލޯންޗް ކުރަން ނިންމައިފި އެވެ.
ހޮލީވުޑްގެ އެންމެ ވަރުގަދަ އަދި އެންމެ ކާމިޔާބު ސްޓޫޑިއޯތަކުގެ ތެރޭގައި ވެސް ހިމެނޭ ކުންފުނިން ސްޓްރީމިންގެ ހިދުމަތް ރަސްމީކޮށް އެމެރިކާގައި ލޯންޗްކުރާނީ ނޮވެމްބަރު މަހުގެ 22 ވަނަ ދުވަހު އެވެ. އެ ހިދުމަތަށް ދީފައިވާ ނަމަކީ "ޑިޒްނީ+" އެވެ.
އެ ކުންފުނިން ބުނެފައިވާ ގޮތުގައި މަހު ފީގެ ގޮތުގައި "ޑިޒްނީ+" އިން ނަގާނީ 6.99 ޑޮލަރެވެ. އެއީ އަހަރަކަށް ބަލާ ނަމަ 69.99 ޑޮލަރެވެ. އަދި މިއީ ސްޓްރީމިންގެ ހިދުމަތުގައި މިހާރު އެންމެ މަގުބޫލު ނެޓްފްލިކްސްގެ ބޭސިކް ޕްލޭނަށް ވުރެ 2 ޑޮލަރު ހެޔޮ އަގެކެވެ.
It all starts on November 12. For more info: https://t.co/RD04P7jdAT #DisneyPlus pic.twitter.com/M1QI7qkH5p
— Disney (@Disney) April 12, 2019
ޑިޒްނީން ސްޓްރީމިން ހިދުމަތަށް ނުކުންނާނެކަން އިއުލާން ކުރިތާ ދެ އަހަރު ފަހުން، ހިދުމަތް ފަށައި ގަންނަން ތައްޔާރުވަމުން އަންނަ އިރު، ޑިޒްނީއާ އެކު ދުނިޔޭގެ ސްޓްރީމުން ހިދުމަތުގެ ވިޔަފާރި އަށް ވަރަށް ބޮޑު ވާދަވެރި ކަމެއް ކުރިމަތި ވާނެ އެވެ. ސަބަބަކީ އެ ކުންފުނީގެ 96 އަހަރުވީ ތާރީހުގައި ހިމެނޭ މުއްސަނދި ކޮންޓެންޓް "ޑިޒްނީ+" ގެ ތެރެއަށް އަންނާނެތީ އެވެ.
Thrilled to share a first look at Disney+ with you! pic.twitter.com/iiqjFjaNra
— Robert Iger (@RobertIger) April 11, 2019
މީގެ ތެރޭގައި ސީދާ އެ ސްޓޫޑިއޯގެ ފިލްމުތަކާއި މާލެވެލް ސްޓޫޑިއޯސް އާއި "ސްޓާ ވޯސް" ގެނެސްދޭ ލޫކަސް ފިލްމްސްގެ އުފެއްދުންތަކާއި ޕިކްޒާ، ޓްވެންޓިއެތު ސެންޗަރީ ފޮކްސް އަދި ނެޝަނަލް ޖޯގްރިފިކްގެ ކޮންޓެންޓްގެ އިތުރުން ސީދާ "ޑިޒްނީ+" އަށް ހާއްސަކޮށްގެން އޮރިޖިނަލް އެތައް ކޮންޓެންޓެއް ގެނެސް ދޭން ނިންމާފައިވެ އެވެ.
އެކަމަށް ވަނީ 2024 އާ ހަމައަށް ބިލިއަން ޑޮލަރުގެ ބަޖެޓެއް ވެސް ހަމަޖައްސައިފަ އެވެ.
ދިގު ތާރީހެއްގެ ބިޔަ އަދި މުއްސަނދިކަލެކްޝަނަކާއި ބެލުންތެރިންގެ މަގުބޫލުކަން ހޯދާފައިވާ އެތައް އުފެއްދުމެއް ސުމަކުން ފަށައިގަންނަ އިރު ވެސް "ޑިޒްނީ+" ގެ ތެރެއިން ބަލައިލެވެން ފުރުސަތު ލިބުމަކީ ޑިޒްނީގެ ވަރުގަދަކަން ސްޓްރީމިން ހިދުމަތުގެ ތެރެއިން ފާޅުވެގެން ދާނެ ކަމެކެވެ.
އެހެންވެ ޑިޒްނީގެ ސީއީއޯ ބޮބް އައިގާ ވެސް ހުންނެވީ އިތުރުބާރާއި ޔަގީންކަމާ އެކީގަ އެވެ. އޭނާ ވިދާޅުވި ގޮތުގައި ކުރިއަށް އޮތް ތަނުގައި ސްޓްރީމިންގެ ހިދުމަތް ދޭ އެހެން ކުންފުނިތައް ދެން ވާދަ ކުރަން ޖެހޭނީ ސީދާ "ޑިޒްނީ+" ގެ ފަހަތުންނެވެ.
"އަހަރެމެންނަށް އޮޔް ޔަގީން ކަމަކީ ޑިޒްނީގެ ކުރިއަށް އޮތް ތަނުގައި ސްޓްރީމިން ހިދުމަތުގެ ވިޔަފާރި ބައްޓަން ކުރާނެ ކުންފުންޏަށް ވާނެކަން،" އޭނާ ވިދާޅުވި އެވެ.
ދާދި ފަހުން އެޕަލް އިން ވެސް "އެޕަލް ޓީވީ" ގެ ނަމުގައި ސްޓްރީމިންގެ ވިޔަފާރި އަށް ނުކުމެފަ އެވެ.
"އެޗްޑީ ސްޓްރީމިން އިން ތިމާވެއްޓަށް ގެއްލުން ބޮޑު"
ޓެކްނިކަލް މައްސަލަތައް އެންމެ މަދީ ނެޓްފްލިކްސްގައި
ގޫގުލް އަށް ވުރެ ވެސް ޓިކްޓޮކް މާ މަގުބޫލު
ހެކަރުންގެ ތުރާތައް ސްޓްރީމިން އަށް ބޮޑު، ފާރަވެރިވޭ
ވަޔަކޮމް ވެސް ސްޓްރީމިން އަށް ނުކުންނަނީ
ޑެއާޑެވިލްގެ ފޭނުންނަށް އުފާވެރި ޚަބަރެއް
ނެޓްފްލިކްސްއަށް އެންމެން ފައިސާ ދައްކަންޖެހޭގޮތް ހަދަނީ
މި އަހަރު ދެ "ޕިނޯކިއޯ" އަންނާނެ
މާވެލްގެ "މޫން ނައިޓް" ގެ އެކްޓަރަކު މަރުވެއްޖެ
"ލޯޑް އޮފް ރިންގްސް" ވަރުގަދަކޮށްލާ ސީރީޒަށް ތައްޔާރު
