ދެ އިމާރާތަކުން ބިއްލޫރިގަނޑެއް ވެއްޓި ތިން މީހަކު ޒަހަމްވެއްޖެ

ދެ އިމާރާތަކުން ބިއްލޫރިގަނޑެއް ވެއްޓި ތިން މީހަކަށް މިއަދު އަނިޔާވެއްޖެ އެވެ.

މީގެ ތެރެއިން އެއް ބިއްލޫރިގަނޑު ވެއްޓުނީ މާވެޔޮ މަގުގައި ހަދަމުން އަންނަ މިސްކިތުންނެވެ. އެ މިސްކިތުން ވެއްޓުނު ބިއްލޫރިގަނޑުން ދެ ބިދޭސީއަކު ޒަހަމްވި އެވެ. އެކަމަކު އެއީ މާ ބޮޑު ޒަހަމެއް ނޫން ކަމަށް ފުލުހުން ބުނެ އެވެ. އެކަމަކު އެ ދެ މީހުން ވެސް އައިޖީއެމްއެޗަށް ގެންދިޔަ ކަމަށާއި ފުލުހުން އެ ސަރަހައްދުގައި ހަރަކާތްތެރިވި ކަމަށް ވެސް އެތަނުން ބުންޏެވެ.

ބިއްލޫރިގަނޑު ވެއްޓިގެން ޒަހަމްވި ދެ މީހުން ވެސް ތިބީ ސަލާމަތީ ފިޔަވަޅުތައް އަޅައިގެން ކަމަށް ފުލުހުން ބުންޏެވެ.

މީގެ އިތުރުން މާލެ ގްރޭންޑުގެ ހަތަރު ވަނަ ބުރިން ބިއްލޫރިގަނޑެއް ވެއްޓިގެން ވެސް މީހަކު މިއަދު ޒަހަމްވި އެވެ. މިއަދު މެންދުރު 12 ޖަހާކަން ހާ އިރު ހިނގި މި ހާދިސާގައި ޒަހަމްވެފައި ވަނީ 36 އަހަރުގެ ދިވެހި އަންހެނަކަށެވެ. އެކަމަކު އެއީ ވެސް މާ ބޮޑު ޒަހަމެއް ނޫނެވެ.

ފުުލުހުން އަންނަނީ މި ދެ މައްސަލަ ވެސް ތަހުގީގު ކުރަމުންނެވެ.