ސަލްމާން ހާންގެ "ބާރަތު" ގެ އާމްދަނީ 200 ކްރޯޑް ފަހަނައަޅައިފި

22 ޖޫން 2019

ރިލީޒް ކުރިތާ ހަތަރު ދުވަހުގެ ތެރޭގައި 100 ކްރޯޑް ރުޕީސް އަށް ވުރެ ބޮޑު އާމްދަނީއެއް ހޯދި، ސަލްމާން ހާންގެ އެންމެ ފަހުގެ ފިލްމު 200 ކްރޯޑް ރުޕީސް އަށް ވުރެ ބޮޑު އާމްދަނީއެއް މިހާތަނަށް ހޯދައިފި އެވެ.

އަހުމަދު އަދްޝަން

މިހާރުވެސް މި އަހަރު އެންމެ ބޮޑު ފެށުމެއް ލިބުނު ފިލްމުގެ ރެކޯޑް އޮތް، މި މަހުގެ 5 ގައި ރިލީޒްކުރި ފިލްމަށް އިންޑިއާ އިން އެކަނި ލިބުނު އާމްދަނީ 200 ކްރޯޑް ރުޕީސް (28 މިލިއަން ޑޮލަރު) އަށް އެރީ އަންގާރަ ދުވަހު އެވެ.

ޖުމްލަ 100 ކްރޯޑް ރުޕީސްގެ ބަޖެޓަކުން ހެދި "ބާރަތު" އަށް އިންޑިއާ އާއި އެ ގައުމުން ބޭރުގެ މާކެޓްތަކުން ބުރާސްފަތި ދުވަހާ ހަމައަށް ވަނީ ޖުމްލަ 303.72 ކްރޯޑް ރުޕީސް ލިބިފަ އެވެ.

#Bharat biz at a glance...
Week 1: ₹ 180.05 cr [extended Week 1 of 9 days]
Week 2: ₹ 21.81 cr [till Tue]
Total: ₹ 201.86 cr
India biz.
HIT.
— taran adarsh (@taran_adarsh) June 19, 2019

އަލީ އައްބާސް ޒަފަރު ޑައިރެކްޓް ކުރި މި ފިލްމުވެގެން ގޮސްފައި ވަނީ 200 ކްރޯޑް ކުލަބުން ޖާގަ ހޯދި ސަލްމާންގެ ހަ ވަނަ ފިލްމެވެ. އޭނާގެ އަތުގައި އިންޑިއާ އިން 300 ކްރޯޑް ރުޕީސް އަށް ވުރެ ބޮޑު އާމްދަނީއެއް ހޯދި ތިން ފިލްމު ވެސް އެބަ އޮތެވެ.

#Bharat scores double century at the BO... Crosses ₹ 200 cr mark... Is best in North, although biz has slowed down in other circuits... [Week 2] Fri 4.30 cr, Sat 6.37 cr, Sun 6.19 cr, Mon 2.63 cr, Tue 2.32 cr. Total: ₹ 201.86 cr. India biz.
— taran adarsh (@taran_adarsh) June 19, 2019

އަދި ސަލްމާނަކީ ބޮލީވުޑްގެ އެކްޓަރުންގެ ތެރެއިން 100 ކްރޯޑް ކުލަބްގެ ފިލްމުތައް އެންމެ ގިނަ އެކްޓަރެވެ. އެ އަދަދު 14 އަށް އަރަ އެވެ.

ބޮލީވުޑްގެ ހަބަރުތައް ދިރާސާ ކުރާ ފަރާތްތަކުން ބުނާ ގޮތުގައި "ބާރަތު" ގެ ވިޔަފާރި ކުރިއަށްދާ ގޮތަށް ބަލާ އިރު އެ ފިލްމު 300 ކްރޯޑް ހަމަކުރުން ވެސް ގާތެވެ.

މި ފިލްމަކީ ސަލްމާނާއި ކެޓްރީނާގެ ޖޯޑު އެކީގައި ފެނިގެންދާ ފިލްމެކެވެ. އަދި "ބާރަތު" އަކީ 2014 ގައި ރިލީޒް ކުރި ކޮރެއާ ފިލްމު "އޯޑް ޓް މައި ފާދާ" އަސްލަކަށް ބަލައިގެން ހަދާފައިވާ ފިލްމެކެވެ.

Comments