"ވެޖެޓޭރިއަން ވޯޓާ" ބޮޑު ޖޯކަކަށް

24 ޖޫން 2019

މަހުގެ ބާވަތްތައް ދޫކޮށްލައި، ވަރަށް ގިނަ މީހުންނަކީ މިހާރު ތަކުރާރީގެ ބާވަތްތަކުގެ ޑައިޓްތަކަށް ބަރޯސާވާ މީހުންނެވެ. އެގޮތުން ވެޖެޓޭރިއަނުންނަށް ހާއްސަ އުފެއްދުންތައް މިހާރު އާންމުކޮށް ގަންނަން ވެސް ލިބޭނެ އެވެ.

އަހުމަދު އަދްޝަން

އެކަމަކު މިއީ މިއީ މި ޒާތުގެ މުޅިން އާ "އުފެއްދުމެއް" ގެ ވާހަކަ އެވެ. ފެނެވެ. "ޕިޔޯ ވެޖެޓޭރިއަން ވޯޓާ" އެވެ. އިންޑިއާގެ ކުންފުންޏެއް ކަމަށްވާ ޕްރިސްޓީޖް ގްރޫޕުން ބޯފެން ފިލްޓާކުރާ ޕިއުރިފަޔާ "ލައިފް ސްޓްރޯ" ގެ އާ މޮޑެލެއް ވިއްކަން ފަށާފައި އިރު، އެ އުފެއްދުން ޕްރޮމޯޓް ކުރަނީ "ޕިޔޯ ވެޖެޓޭރިއަން ވޯޓާ" އުފައްދައިދޭ އެއްޗެއްގެ ގޮތުގަ އެވެ.

After reading the advertisement, I wonder which water all the Pure Veg restaurants in India use.
What more lies ahead..
Jain water ..?
Halal water..?
Why do we forget we are part of nature. pic.twitter.com/lkVCPXo9Sc
— Vivek Sakpal (@viveksakpal) June 21, 2019

އެ ކުންފުނިން ނެރެފައިވާ އިޝްތިހާރެއް ވެސް ޓްވިޓާގައި ދައުރުވަމުން އަންނަ އިރު މި ޕިއުރިފަޔާ ސިފަކޮށްފައި ވަނީ "ޕިޔޯ އެންޑް ވެޖެޓޭރިއަން" ފެން ފޯރުކޮށް ދޭނެ އެއްޗެއްގެ ގޮތުގަ އެވެ.

Veg water - because micro organisms in the water make it non-vegetarian! But air we breathe has microorganisms too, and delivering veg air will probably be the next big business potential #FacePalm #environment #vegwater #kyahaiye pic.twitter.com/hPtiu1bBL0
— Nishant Singh (@knishant_) June 21, 2019

ޕްރިސްޓީޖުން ބުނި ގޮތުގައި އާ ޕިއުރިފަޔާ އިން ސާފުކުރާ ފެނަކީ އެއްވެސް ވަރަކަށް ޖަރާސީމުގެ އަސަރު ނުހުންނާނެކަން ކަށަވަރުކޮށް ދޭނެ އުފެއްދުމެކެވެ. އެގޮތުން އާންމުކޮށް ފެން ކައްކައި ބޭނުން ކުރިޔަސް ޖަރާސީމު އެއްކޮށް ނައްތައި ނުލެވޭ ކަމަށް ބުންޏެވެ. އަދި ބާޒާރުގައި އާންމުކޮށް ވިއްކަން ހުންނަ ޕިއުރިފަޔާތަކުން ވެސް 100 ޕަސެންޓް ހައްލެއް ނުލިބޭ ކަމަށް ބުންޏެވެ.

Stupids! from that logic please try and make vegetarian curd and milk. ????.
— Rajiv Dhimole (@rajivdhimole) June 21, 2019

ނަމަވެސް ޕްރިސްޓީޖްގެ އާ ޕިއުރިފަޔާއަކީ ޖަރާސީމުތަކުން ސައްތަ އިން ސައްތަ ސާފުކޮށް ދޭނެ އުފެއްދުމަކަށް ވާތީ މިއީ ސީދާ "ޕިޔޯ ވެޖެޓޭރިއަން ވޯޓާ" ކަމަށް ބުންޏެވެ.

Indians are actually whack lol. pic.twitter.com/uuG0jyByWG
— harnidh (@PedestrianPoet) June 20, 2019

ޕްރިސްޓީޖްގެ މި އިޝްތިހާރާ ގުޅިގެން ޓްވީޓާގައި ވަރަށް ގިނަ ބަޔަކު މިހާރު އަންނަނީ މިކަމަށް ޖޯކް ވެސް ޖަހަމުންނެވެ. ބައެއް މީހުން ބުނީ މާކެޓް ކުރަން އުޅުނަސް މި ދެން ބޮޑުވަރު ކަމަށެވެ.

އަދި އެއް ބަޔަކު ޕްރިސްޓީޖްގެ އިޝްތިހާރު ސިފަކޮށްފައި ވަނީ ކަސްޓަމަރުން ގުނބޯ ހައްދަންކޮށްފައިވާ ކަމެއްގެ ގޮތުގަ އެވެ.

Comments