ލޫކަސް އާއި ސިމްވާ ސިޔާސީ މަގާމުތަކަށް އައްޔަންކޮށްފި

އެމްޑީޕީގެ އެންމެ ވަރުގަދަ ސޯޝަލް މީޑިއާ އެކްޓިވިސްޓުންގެ ތެރޭގައި ހިމެނޭ ޝައްމޫން ޖަލީލް (ލޫކަސް) އާއި އަހްމަދު އަންވަރު (ސިމްވާ)ގެ އިތުރުން ވެސް ދެ މީހަކު ސިޔާސީ މަގާމްތަކަށް އައްޔަންކޮށްފި އެވެ.

ފަޒީނާ އަހުމަދު

26 ޖޫން 2019

ހެރިޓޭޖް އެންޑް ކަލްޗަރަލް މިނިސްޓްރީގެ ޑިރެކްޓަރަކަށް ލޫކަސް ހަމަޖެއްސި އިރު، ސިމްވާ އައްޔަންކުރީ އިކޮނޮމިކް މިނިސްޓްރީގެ ސީނިއާ އެގްޒެކެޓިވް ޑިރެކްޓަރަކަށެވެ. ޕްލޭނިން މިނިސްޓްރީ އާއި ޓްރާންސްޕޯޓް މިނިސްޓްރީގެ ސިޔާސީ މަގާމްތަކަށް ވެސް ދެ މީހަކު ހަމަޖައްސާފައިވެ އެވެ.

ތާރީޚާއި ތަރިކަ އަދި ޘަގާފަތާ ގުޅޭ މައުލޫމާތު އެއްކޮށް ލިޔުމުގެ މަސައްކަތް އަޅުގަނޑު ކުރާތާ އަހަރުތަކެއް ވެއްޖެ. ސަރުކާރުގައި މަސައްކަތްކުރުުމުގެ ދައުވަތުދެއްވައި @MACH_MV ގެ Cultural Heritage Director ކަމަށް އައްޔަންކުރެއްވުމަކީ ލިބުނު ހިތްވަރެއް، އުފަލެއް، ރައީސް @ibusolih ? pic.twitter.com/DjpgF4viVg
— Luke (@Lucasjalyl) June 26, 2019

ކުރީގެ ސަރުކާރުގައި ހިންގި އެކި ކަންކަމަށް ލޫކަސް އާއި ސިމްވާ ފާޑުކިޔައި ޓުވީޓް ކުރަން ފެށުމުން ޕޮލިހަށް ހާޒިރުކޮށް ސުވާލުކުރި އެވެ. ހައްޔަރު ކުރުމުގެ އިންޒާރު ލިބެެން ފެށުމުން އަމިއްލަ އަށް އަރުވާލެވިގެން ދިރިއުޅެމުން އައީ ސްރީ ލަންކާގަ އެވެ.

Economic ministry ge Senior Executive Director kamah Raees @ibusolih alhugand ayyan kurehvumaky libunu ufaleh. Magaam ge massooliyyathu adhaa kurumuga heevaagi kamaai eku dhemi hunnaanan. Shukuriyyaa Raees Solih ? pic.twitter.com/QFma6V3plO
— Sim (@Simwarr) June 26, 2019

އެ ގައުމުގައި ތިބެގެން ވެސް އެ ދެ މީހުން ދިޔައީ، ކުރީގެ ސަރުކާރުގެ އެކި ކަންކަމަށް ފާޑުކިޔައި އަދި ލަންކާގައި ސަރުކާރާ ދެކޮޅަށް ހިންގަމުން ދިޔަ ހަރަކާތްތަކުގެ މައުލޫމާތު އިދިކޮޅުގެ ސަޕޯޓަރުންނާ ހިއްސާކުރަމުންނެވެ. ދެ މީހުން ވެސް އެނބުރި ރާއްޖެ އައީ ސަރުކާރު ބަދަލުވުމުންނެވެ.

Comments